Nehemias 1:6 - Maung A Balita Biblia

⁶ Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Maung a Balita Biblia

⁶ Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Nehemias 1:6 Iomraidhean Croise

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

1 Saray Arari 8:47

dengel mo pa ray pikakasi na saray totoom. No diad saman a dalin et magbabawi ra tan mampikasi rad sika, ipatwa ray inkakasalanan tan inkaoges da, dengel mo pay pikakasi ra, O Katawan.

2 Saray Awaran 28:10

tan natan getma yon aripenen iray lalaki tan saray bibiin taga Jerusalem tan Juda. Ag yo ta amta a nankasalanan kayo met ed Katawan a Dios yo?

2 Saray Awaran 29:6

Aliwan matoor ed Katawan a Dios tayo iray lalaki tayo, ta ginagawa ray aliwan makapaliket ed sikato. Inkaindan da tan imbeneg day pasen a panaayaman to.

2 Saray Awaran 6:40

“Natan, O Dios ko, imano mo kami pa tan talineng mo ray pikakasin nibalikas ed sayan pasen.

Esdras 10:1

Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Saray Salmo 102:17

Dengelen to ray nikaindan a totoo to tan ebatan toy pikakasi ra.

Saray Salmo 106:6

Nankakasalanan kami, a singa ginawa da ray lalaki mi; nanggagawa kamiy kaogsan tan kabaglan.

Saray Salmo 130:2

Dengel mo pay tagleey ko, Katawan, talineng mo pay ikekerew koy tulong!

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Saray Salmo 34:15

Say Katawan iimanoen to ray matonung, tan dedengelen to ray tawag da;

Saray Salmo 55:17

Kabwasan, kaagwan, tan labi so panririklamo tan paney-ey kod sikato, et dengelen toy bosis ko.

Saray Salmo 88:1

Katawan a Dios a manangilaban ko, no agew onkekerew ak na tulong ed sika, tan no labi onaasingger ak ed sika.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Daniel 9:15

“O Katawan a Dios mi, lapud pakayarim impaway mod Egipto iray totoom, tan ag nalingwanan ya anggad natan so pakayarim. Nankakasalanan kami; maoges iray ginagawa mi.

Daniel 9:20

Intuloy ko so nampikasi; impatwak iray kasalanan ko tan saray kasalanan da ray totook ya Israel, tan kinerew kod Katawan a Dios ko ya ipawil to la komun ed gendat a kipapasen so masanton Timplo to.

Daniel 9:4

Nampikasi ak ed Katawan a Dios ko tan impatwak iray kasalanan na saray totook. Inkuanko, “Katawan a Dios, matalonggaring ka tan gagalangen mi ka. Matoor ka ed impisipanan mo tan ipapanengneng mo lawas so ag mangoman a panangarom ed saray mangaarod sika tan manusumpal na saray ganggan mo.

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Daniel 9:8

Makapabaing so ginagawa na saray arari mi, saray manoley mi, tan saray lalaki mi; nankasalanan irad sika, O Katawan.

Lucas 18:7

Say Dios balet ey? Ag to kasi iter so kanepegan da ray dilin totoo to ya agew-labin mikasi? Ag to ra kasi tulongan a tampol?

Lucas 2:37

insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

1 Timoteo 5:5

Say tuan balo et say biin mambukbukor lad bilay to. Say Dios labat so kawalaay ilalo to, tan agew-labin itutuloy toy mampikasi tan mankerew.

2 Timoteo 1:3

Misasalamat ak ed Dios a diad panlilingkur kod sikato et malinis so konsinsiak, a singa ginawa da ray lalakik. Misasalamat ak ed sikato kapag nanunotan ta ka ed saray agew-labin pikakasik.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.