Nehemias 1:2 - Maung A Balita Biblia

² Si Hanani a sakey ed saray agagik a lalaki et sinmabi a kaiba to ray pigaran lalaki a nanlapud Juda. Tinepetan ko ra na nipaakar ed saray Judion pinmawil manlapud nibantakan dan Babilonia tan say nipaakar ed Jerusalem.

Maung a Balita Biblia

² Si Hanani a sakey ed saray agagik a lalaki et sinmabi a kaiba to ray pigaran lalaki a nanlapud Juda. Tinepetan ko ra na nipaakar ed saray Judion pinmawil manlapud nibantakan dan Babilonia tan say nipaakar ed Jerusalem.

Nehemias 1:2 Iomraidhean Croise

Genesis 14:10

Dakel diman iray maawang a bobun na alkitran, et nen ibabatikan day bakal ira may ari na Sodoma tan Gomorra naplag irad saraman a bobun, balet akabatik ed kapalandeyan ira may taloran ari.

2 Saray Arari 24:14

Inawit ton priso iray totoo ed Jerusalem, amin da ray opisyal na ari, tan amin a manonan totoo; samplon libo ran amin. Intaruk to met ya amin iray maung a kumikimey, pati saray pumapanday; intilak to labat ed Juda iray totoon sankamairapan ed bilay.

2 Saray Arari 25:12

Balet intilak tod Juda so pigaran totoon sankamairapay bilay tan anggapoy kayaryan, insan impankimey to rad kaubasan tan diad kaalogan.

Esdras 9:14

Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.

Nehemias 7:2

Insan ko impasen a manoley ed siudad na Jerusalem so duaran lalaki a di Hanani ya agik tan Hananias a pangulon opisyal na tirinsira. Anggapoy mipara ed kinen Hananias ed inkatoor to tan say inkatakot tod Dios.

Jeremias 44:14

Anggapod saray akeraan a totood Juda a linma ran manaayam ed Egipto, so makabatik odino makapaliis ed patey. Anggapod sikaray makapawil ed Juda a pampilalekan dan panayaman lamet. Anggapoy makapawil, likud labat ed pigpigaran makabatik.”

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.