Nahum 3:3 - Maung A Balita Biblia

³ Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

Maung a Balita Biblia

³ Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton nataktakbaan ira na saray totoo.

Nahum 3:3 Iomraidhean Croise

Genesis 3:24

Diad bandad bokig na tanamanan na Eden angipasen na saray kirubin tan sakey a mandarlang ya ispada a manwasiwas ed amin a dapag, pian anggapoy makaasingger ed samay kiew na bilay.

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 34:3

Ag nikotkot iray bangkay da, no ag ta kitongilang iran naboluk tan ombanget; nabalangaan na dala iray kapalandeyan.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Ezekiel 39:4

Diad satan sikato tan saray sondalo to et ompatey iran kibalatar ed kapalandeyan na Israel tan paolyan kon kanen na saray manok tan saray ayayep ed katakelan iray bangkay da.

Levitico 26:37

Mantatabunan kayod katumba yo ya anggan anggapoy onoosil ed sikayo, tan ag yo nalabanan iray kalaban yo.

Nahum 2:4

Mambanesbes ed saray dalan iray karwahi, ompawil onsulong irad saray plasa na siudad. Mankidyam iran singa apoy ya impotan tan mankidyam iran singa kirmat.

Habacuc 3:11

Lapud kidyam na maples iran panam tan say siayap na makasileng a pikam, nantanyareg so agew tan say bulan.