Nahum 3:19 - Maung A Balita Biblia

¹⁹ Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Maung a Balita Biblia

¹⁹ Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Nahum 3:19 Iomraidhean Croise

Say Libro nen Job 27:23

Mambanesbes ya ombasig so dagem ed sikato legan ya ombabatik, tan patakoten to lapud pakayari ton manderal.

Isaias 37:11

Nadngelan mo lay ginawa na saray impirador na Asiria ed anggan anton bansan ginetma ran deralen. Abaloan mo a makapaliis ka?

Isaias 37:18

Amta min amin, Katawan, a dinederal na saray impirador na Asiria so amayamay a bansa, ginagawa ran andi-kabaliksan iray dalin da,

Jeremias 10:22

Dengel kayo! Sinmabi lay balita! Walay baleg a gewgew ed sakey a bansa ya anggad baybay; saray sondalo to pagmaliwen dan kabueran iray siudad na Juda, say pasen a panaayaman na saray asod katakelan.”

Jeremias 30:12

Inkuan na Katawan ed saray totoo to, “Ag napaabig iray sugat yo; ag la ra onabig.

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Ezekiel 25:6

“Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.

Jonas 1:2

Inkuanto, “Lakad Ninive, say baleg a siudad, ta mansalita ka sumpad saman a siudad; amtak so ontan lan kaogsan na saray totood man.”

Mikias 1:9

Ag naabigan iray sugat na Samaria, tan ngalngali la manirap so Juda a singa paniirap na Samaria; asabian lay deral iray puirta na Jerusalem a panaayaman da ray totook.”

Puyan 13:7

Naabuloyan met a labanan tan taloen to ray totoo na Dios, tan naabuloyan met ya oleyan toy amin a tribu, too, salita, tan bansa.

Puyan 17:2

Saray arid dalin akikaloguran ed sayan bii, tan saray totood tapew na dalin abuek iray alak na kasalanan tan inmoralidad.”

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!