Nahum 2:5 - Maung A Balita Biblia

⁵ Atawag iray opisyal; mamkitakba ra diad idadago ra. Mapmaples ya onsisingger ed padir iray ondogpa tan ililira da so samper na panagbongbong na padir.

Maung a Balita Biblia

⁵ Atawag iray opisyal; mamkitakba ra diad idadago ra. Mapmaples ya onsisingger ed padir iray ondogpa tan ililira da so samper na panagbongbong na padir.

Nahum 2:5 Iomraidhean Croise

Isaias 21:5

Diad samay pasingayew, sakey a baleg a ponsia so akaparaan. Akaaplag lad datal so alpombra a yorunga na saray bisita. Manaakan tan maniinom ira. Kabebekta nieyag so sakey a ganggan, “Sikayo ran opisyal na saray sondalo! Iparaan yo ray samper yo!”

Isaias 5:27

Anggapod sikaray nakekesawan odino ompaparokul. Ag iran balut ontetemeg odino onoogip. Anggapoy balkes ya onlolokak; anggapoy napopoltut a bariber na sandalya.

Jeremias 46:12

Nadngelan na saray bansa so kababaingan yo; nadngelan na balang sakey so panaakis yo. Mampapateran iray sondalo kanyan natutumba ra.”

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Nahum 2:6

Biglan alokasan iray puirtad gilig na ilog; sinmabiy baleg a takot ed palasio.

Nahum 3:18

Ari na Asiria, inaatey la ray gobirnador mo, tan ag la nabangon a balut ed ogip da iray manonan totoom! Ataytayak ed kapalandeyan iray totoom, et anggapoy mamasempet ed sikara.

Nahum 3:3

Ondedepdep iray akakabayo, mankidyam iray ispada tan saray pika! Ag nabilang iray bangkay ya abunbunton— nataktakbaan ira na saray totoo.

Habacuc 1:8

“Maples nen saray liopardo iray kabayo ra, tan masebeg ira nen saray narasan ya asod katakelan. Onsasabin nanlapud arawin pasen iray kumakabayo ra; saray kabayo ra idepak-depak day dalin. Onsabi ran mapmaples ya ondogpan singa agilan manisibar na labay ton kanen.