Nahum 2:4 - Maung A Balita Biblia

⁴ Mambanesbes ed saray dalan iray karwahi, ompawil onsulong irad saray plasa na siudad. Mankidyam iran singa apoy ya impotan tan mankidyam iran singa kirmat.

Maung a Balita Biblia

⁴ Mambanesbes ed saray dalan iray karwahi, ompawil onsulong irad saray plasa na siudad. Mankidyam iran singa apoy ya impotan tan mankidyam iran singa kirmat.

Nahum 2:4 Iomraidhean Croise

Probirbio 31:21

Anggapoy pagpaga to anggan ompelag so yilo, lapud makakapal iray kawes na kabyangay pamilya to.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Isaias 66:15

Say Katawan onsabin kaiba toy apoy. Onlogan ed saray payak na bagyo no dusaen to ray pamapasnukan to.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Jeremias 46:9

Dagdag yo lan onla iray kabayo, tan pakurang yo la ray karwahi! Ibaki yo la ray sondalo: saray lalakin sankaawit da ray samper a taga Sudan tan Libia, saray marunong a pumapanan taga Lidia.’”

Ezekiel 23:24

Manlapud baybay dogpaan da ka a sankaawit da ray amayamay a sondalon akakarwahi na para bakal tan saray arum akalogan irad kariton a pananginay abasto. Diad ilakob dad sika akasamper tan akahilmit ira. Ipalima ta kad sikara tan sintinsiaan da ka onung ed saray ganggan da.

Ezekiel 26:10

Kobutan ka na makapal a dabuk ya ontikyab diad pankuyat na saray kabayo ra. Diad tanul na saray kabayon mamibira na saray karwahi tan saray kariton, nagalaw iray padir mo legan dan ondadalan ed saray puirta na aderal-deral a siudad.

Ezekiel 26:7

Say Katawan a Dios kuanto, “Iyakar kon ondogpad Tiro so sankatalonggaringan ed amin ya ari—si Ari Nabucodonosor na Babilonia. Sikatoy manlapud baybay a kaiba to ray amayamay a sondalon wala ray kabayo ra tan saray karwahin para bakal; kaiba to met iray managkabayod para bakal.

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.