Nahum 2:12 - Maung A Balita Biblia

¹² Pinatey na lion so narel ton ayep tan biningbingkas ton kanen na asawa to tan saray anak ton ankelag; pinano to na abingbingkas a laman so balaung to.

Maung a Balita Biblia

¹² Pinatey na lion so narel ton ayep tan biningbingkas ton kanen na asawa to tan saray anak ton ankelag; pinano to na abingbingkas a laman so balaung to.

Nahum 2:12 Iomraidhean Croise

2 Samuel 17:8

Amtam a si amam a David tan saray totoo to et maung iran mibakal; masebeg iran singa uson kabatyan ya imbatik iray anak to. Likud nid saya, abayag lan mibabakal si amam, kanyan no labi ag onoogip a kaiba to ray totoo to.

Saray Salmo 17:12

Singa ra lion a mantatalaran ed siak, tan pampilalekan dan nabingbingkas ak.

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Nahum 2:11

Iner so kawalaan natan na samay siudad a nen saman et singa balaung na saray lion, say pasen a pangakanan da ray anak na lion, a dimay lalaen na lion a kalakyan tan kabatyan ya arawid kaatapan iray anak dan angkelag.

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Saray Bilang 23:24

Say bansan Israel et singa masebeg a lion: Ag mandeen anggad abuag to lay narel to, Anggad nainom to lay dala na apatey to.”