Nahum 2:10 - Maung A Balita Biblia

¹⁰ Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Maung a Balita Biblia

¹⁰ Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Nahum 2:10 Iomraidhean Croise

Genesis 1:2

say mundo anggapoy oksuy tan nengneng to. Ambilbilonget so tapew na manungol a dayat a nilanayapan toy ganagana tan mansiplug so pakayari na Dios ed tapew na danum.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Isaias 21:3

Lapud samay anengneng tan nadngel ko ed samay pasingayew, ataktakot ak tan nairapan ak tan singa ak biin mampapasakit.

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Jeremias 30:6

Tonda kayo natan, ta mannunot kayo! Mananak ta na sakey ya ogaw so laki? Akin sirin et sankanengneng koy balang laki a sankabembenan toy eges to a singa biin mampapasakit? Akin et ampoti-potiy bosaleg na balang sakey a too?

Jeremias 49:23

Sikato yay inkuan na Katawan nipaakar ed Damasco: “Natatakot tan mapagpaga iray taga siudad na Hamat tan Arfad lapud akadngel iray maoges a balita. Singa dayat ya ontatabun ed sikara so kapagaan, tan ag ira makapainawa.

Jeremias 51:62

Insan ka mampikasi, ‘Katawan, imbagam a deralen mo yan pasen, pian anggapo lay antokaman a mabilay a manayam dia, totoo may ayayep, tan magmaliw a singa ando lan andon kabueran.’

Jeremias 8:21

Asugat so pusok lapud asugat iray totook. Maneermen ak; sigput a nakalan ak na biskeg na linawa.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Ezekiel 31:15

Sikato yay kuan na Katawan a Dios: “No agew a samay kiew onlad pasen a panaayaman da ray inaatey, patabonan kod danum ed dalem na dalin a tanda na panermen. Saraan ko ray ilog tan ag ko paagosen iray kolus. Lapud inatey imay kiew, kobutan ko na bilonget iray Kapalandeyan na Libano tan palenesen kon amin iray kiew ed palandey.

Daniel 5:6

Pinmotiy bosaleg to tan diad gaway inkataktakot to, mampayegpeg iray pueg to.

Joel 2:6

Diad isasabi ra, natatakot ya amin so katoowan; ampoti-potiy bosaleg dan amin.

Nahum 2:2

Ngalngali la ipawil na Katawan so kagalangan na Israel, a singa samay kagalangan to kasakbayan a sinasamsaman na saray kalaban to.)

Nahum 3:7

Arawian ka na amin a makanengneng ed sika. Ikuanda, ‘Aderal-deral so Ninive. Siopay mangakasi ed sikato? Siopay malabay a manligliwad sikato?’”

Sofonias 3:6

Say Katawan kuanto, “Pinaandik ya amin iray bansa; dineral ko ray siudad da tan tinaynan kon aderal-deral iray padir ta saray tori ra. Ataynan iray siudad; anggapoy onkitakitaw ed saray dalan—anggapoy anggan sakey a toon nakdaan.

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Josue 7:5

Inosilan ira na saray lalakin taga Ai manlapud puirta na siudad ya anggad saray pigaran panagalaan na tinabas a bato tan pinatey day sakey a talomplo tan anem ed sikara diad alusadsar na pokdul. Lapud saya nakalay biskeg na linawa iray Israelita tan ataktakot ira.