Nahum 1:7 - Maung A Balita Biblia

⁷ Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

Maung a Balita Biblia

⁷ Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

Nahum 1:7 Iomraidhean Croise

1 Saray Awaran 16:34

Misalamat kayod Katawan, ta sikato et maung; andi-anggan so panangaro ton ag mangoman!

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

2 Saray Awaran 32:11

Ibabagad sikayo nen Ezekias a say Katawan a Dios yo so mangyagel ed sikayo ed pakayari mi, balet titilaan to kayo; paolyan to kayon ompatey ed eras tan inkapgaan.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

2 Saray Awaran 32:8

Walad sikatoy pakayari na too, balet walad sikatayoy Katawan a Dios tayo ya ontulong ed sikatayo tan milaban ed saray pibakalan tayo.” Apabiskeg so linawa da ray totoo lapud sarayan balikas na ari ra.

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Saray Salmo 100:5

Maung so Katawan; ando lan ando so panangaro to tan anggad angga so inkatoor to.

Saray Salmo 20:1

Ebatan ka komuy Katawan no nagugunigon ka! Iyagel ka komuy Dios nen Jacob!

Saray Salmo 25:8

Matonung tan maung so Katawan, kanyan ibabangat tod saray makasalanan so dalan a nepeg dan tombuken.

Saray Salmo 27:5

No panaoy kairapan salimbengan to ak; iyamut to ak ed Timplo to tan itapew to ak ed baton-dampay, pian ag ak nasigensigen.

Saray Salmo 37:39

Say Katawan ilalaban to ray totoon matonung tan iyaagel to ra no panaoy gunigon.

Saray Salmo 37:40

Tutulongan tan ililiktar to ra; iyaagel to rad totoon maoges, ta papaiyagel irad sikato.

Saray Salmo 46:2

Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 59:16

Balet ikantak so nipaakar ed biskeg mo; kinabwasan ya ikantak a maksil so nipaakar ed ag mangoman a panangarom. Sikay salimbengan ko, say siroman diad panaoy gunigon ko.

Saray Salmo 71:3

Sika pa so baton-dampay a salimbengan ko, tan mabiskeg a tirinsira a mangyagel ed siak, sikay salimbeng tan manangyagel ko.

Saray Salmo 86:7

Ontatawag ak ed sika no panaoy gunigon, lapud eebatan moy pikakasik.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Isaias 25:4

Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 17:17

Ag mo ak pa tataktakoten; no onsabiy gunigon, sikay salimbengan ko.

Jeremias 24:5

“Siak, say Katawan a Dios na Israel, ipapasen ko a saray totoon niakar ed Babilonia et singa sarayan balibalin bungay igos et kasian ko ra.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Saray Tagleey 3:25

Maung so Katawan ed amin a totoon manmamatalek ed sikato;

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Daniel 6:23

Ontan lay impakaliket na ari tan ingganggan to ya aonen ed abut si Daniel. Kanyan inaon da tan anengneng da ya ag balut asakitan, ta nanmatalek ed Dios.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Mateo 27:43

Manmamatalek ed Dios tan inkuanto, ‘Siak so Anak na Dios!’ Nengnengen pa sirin no labay na Dios ya ilaban natan!”

Mateo 7:23

Balet ikuankod sikara, ‘Ag ta kayon balut kabat. Arawi kayod siak, sikayon managgaway kaosgan!’”

Juan 10:14

Siak so maung a pastol. Kabat ko ray karnirok tan kabat da ak,

Juan 10:27

Ondedengel na bosis ko ray karnirok. Amtak ira tan totombuken da ak.

Saray Taga Roma 11:22

Nanengneng mo diay panangasi tan kinasebeg na Dios. Masebeg ed saray ag manisiad sikato, balet mapangasid sika no mansiansia kad panangasi to. Balet no andi, napoter ka met.

TAGA GALACIA 4:9

Natan ta kabat yo lay Dios—andi manaya, no ag ta natan ta kabat ki lay Dios—akin et papawilen yo ray anggapoy nayarian tan saray pangaskasiyan a manangiwanwan na sayan mundo? Labay yo siriy paoleyan lamet ed sikara?

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”