Nahum 1:5 - Maung A Balita Biblia

⁵ Diad arap na Katawan nayeyegyeg iray kapalandeyan; natotonaw iray kapokdulan. Nayeyegyeg so dalin no ompapatnag so Katawan; manggiwgiw so mundo tan amin da ray katoowan.

Maung a Balita Biblia

⁵ Diad arap na Katawan nayeyegyeg iray kapalandeyan; natotonaw iray kapokdulan. Nayeyegyeg so dalin no ompapatnag so Katawan; manggiwgiw so mundo tan amin da ray katoowan.

Nahum 1:5 Iomraidhean Croise

2 Samuel 22:8

Insan ginmiwgiw tan yinmegyeg so dalin; ginmalaw tan ayegyeg iray pundasion na katawenan, ta amasnuk so Dios!

Say Libro nen Job 26:11

No pampasnukan to ray lusek na tawen, onggalaw tan onggiwgiw irad takot.

Say Libro nen Job 9:5

Bengatbengat ya ekalen to ray kapalandeyan tan diad pasnuk to deralen to ra.

Saray Salmo 104:32

Onnenengneng ed dalin so Katawan, et onggigiwgiw; didiwiten to ray kapalandeyan, et onaasewek ira.

Saray Salmo 114:4

Linmulukson singa kanding iray kapalandeyan; kinmokogtut a singa kordiro iray kapokdulan.

Saray Salmo 114:6

Kapalandeyan, akin et linmulukso kayon singa kanding? Kapokdulan, akin et kinmokogtut kayon singa kordiro?

Saray Salmo 18:7

Insan ginmiwgiw tan yinmegyeg so dalin; ginmalaw tan ayegyeg iray pundasion na kapalandeyan tan amasnuk so Dios.

Saray Salmo 18:8

Pinmaway so asewek ed eleng to, pinmaway so manliub ya apoy tan mandarlang a ngalab ed sangi to.

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Saray Salmo 68:8

yinmegyeg so dalin, tan angipelag na oran so tawen, lapud isabiy Dios na Sinai, say isabiy Dios na Israel.

Saray Salmo 98:7

Ungol ka, dayat, tan amin da ray pinalsan manaayam ed sika; mankanta ka, dalin, tan amin da ray manaayam ed sika!

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Isaias 24:20

Mandongilngil so dalin a singa sakey ya abuek, mambayes a singa alolung no walay bagyo. Dinetdetan na saray dilin kasalanan to so mundo; natumba, et ag la makabangon.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Jeremias 4:24

Binantag ko ray kapalandeyan—nayeyegyeg ira, tan saray kapokdulan mambabayes ira.

Ezekiel 38:20

Balang sira tan manok, balang ayep, baleg may melag, tan balang too onggiwgiw ed takot tod siak. Nakusbo iray kapalandeyan, nabosbos iray pandel, kelas, tan nageban amin iray padir.

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Amos 9:5

Didiwiten na Katawan a Dios a Makapanyarin-amin so mundo, et nayeyegyeg; maneermen ya amin iray totoon manaayam dia. Say intiron mundo et onaatagey tan nakukusbo a singa Ilog na Nilo.

Mikias 1:4

Insan diad silong to natonaw iray kapalandeyan, natonaw iran singa katonaw na ispirmad apoy; onibung irad saray patar, singa danum ya onaagos a nanlapud kapokdulan.

Habacuc 3:10

Nen anengneng ka na kapalandeyan ginmiwgiw ira; naibung so danum manlapud saray tawen. Inmungol iray danum ed dalem na dalin, tan binmabaleg iray daluyon da.

Zacarias 4:7

Naandipat ed arap mo iray bangen a singa ra palandey. Napasimbalom a nipaalagey so Timplo, tan diad pangiliram na sankasamputan a bato, saray totoo iyeyag da, ‘Marakep, marakep!’”

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Mateo 28:2

Biglan yinmegyeg na maksil. Linmeksab a nanlapud tawen so sakey ya anghil, insan to intolin imay insaran bato, tan niyorungan to.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 6:14

Naandipat so tawen, a singa lolokuten a babasaen a nilokut, tan nakal iray palandey tan saray isla ed paspasen da.

Saray Huis 5:5

Saray kapalandeyan ayegyeg ira ed arap na Katawan na Sinai, diad arap na Katawan a Dios na Israel.