Nahum 1:14 - Maung A Balita Biblia

¹⁴ Sikato yay ingganggan na Katawan nipaakar ed saray taga Asiria: “Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiria—ag da kanepegay mambilay!”

Maung a Balita Biblia

¹⁴ Sikato yay ingganggan na Katawan nipaakar ed saray taga Asiria: Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiriaag da kanepegay mambilay!

Nahum 1:14 Iomraidhean Croise

2 Saray Arari 19:37

Aminsan ya agew, nen mangigagalang si Senakerib ed dalem na timplo na dios ton Nisroc, saray duaran anak ton lalaki a di Adramelec tan Sarezer, pinatey dad ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Say Libro nen Job 18:17

Angangga la so inkabantug to ed dilin bansa to tan diad arum a bansa; anggapo lay makanunot ed sikato.

Saray Salmo 109:13

Ompatey komun ya amiy kabyangay boleg to, tan nalingwanan la komuy ngaran to diad ontombuk a kailalakan.

Saray Salmo 71:3

Sika pa so baton-dampay a salimbengan ko, tan mabiskeg a tirinsira a mangyagel ed siak, sikay salimbeng tan manangyagel ko.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Isaias 33:13

Say ginawak et narengelan komun na balang sakey a walad arawi odino asingger tan birbiren da komuy pakayarik.”

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Daniel 11:21

Samay anghil intuloy ton impaliwawa: “Say onsalat ya ari na Siria et sakey a maoges a too ya anggapoy kanepegan ton manari, balet ag ilaloan so isabi to tan samsamen toy pakaoley diad panamegley na panamalikdo.

Daniel 5:27

say Tekel et belat, ta asimbang so belat mo, nalmoan a kulang so belat mo;

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Mikias 5:13

Deralen ko ray talintaoy diriyos yo tan saray masanton baton lusek yo; ag yo lad satan galangen iray bengatlan ginagawa yo.

Mikias 5:14

Igebak iray imahin nen diosan Asera ed dalin yo tan deralen ko ray siudad yo.

Habacuc 2:10

Balet saray ginagawa yo so angipelag ed pamilya yo ed kababaingan; lapud impanderal yod amayamay a bansa impelag yod kadederal so sikayon dili.

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.