Mikias 7:8 - Maung A Balita Biblia

⁸ Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.

Maung a Balita Biblia

⁸ Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.

Mikias 7:8 Iomraidhean Croise

Say Libro nen Job 31:29

Nen naniirap iray kalaban ko ag ak balut nanliket, odino nanggayaga nen walay dinmalan a deral ed sikara.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Saray Salmo 143:3

Inosilan ak na kalaban ko, tan sigput to ak a tinalo. Impokuk to ak ed ambilonget a prisowan, tan singa ak saray inaatey lan abayag.

Saray Salmo 20:8

Natumba tan napelag ira yan totoo, balet ombangon tan mabisbiskeg itayon onalagey.

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 35:19

Ag mo iyaabuloy a saray kalaban ko, saraman a matitila, et elek-elekan day inkatalok; Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Saray Salmo 37:21

Miuutang so toon maoges et ag to babayaran, balet maiter tan matulong so maung a too.

Saray Salmo 37:24

No niparokul ira, ag ira mansiansian dokul, ta say Katawan ibaan to ran ombangon.

Saray Salmo 38:16

Ag mo pa iyaabuloy ya elek-elekan na saray kalaban ko so paniirap ko; ag mo pa met iyaabuloy a manlastug ira lapud inkatalok.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 49:9

Ikuankod saray priso, ‘Laka kayo la!’ tan diad saray walad kabilongetan ikuanko, ‘Paway kayo lad liwawa!’ Magmaliw iran singa saray karniro a mankakabkab ed kapokdulan;

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Isaias 9:2

Akanengneng na baleg a silew iray totoon nankukurang ed kabilongetan. Nanayam irad sakey a dalin ya ambilbilonget, balet natan onsisindag so silew ed sikara.

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Jeremias 8:4

Say Katawan imbaga tod siak ya ikuankod saray totoo to iray salita to, “Wala tay natumba ya ag ombangon? Wala tay nabalang ya ag ompawil ed nanlapwan to?

Ezekiel 25:6

“Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.

Ezekiel 35:15

a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.”

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Obadias 1:12

Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Mikias 4:10

Yesyes tan ngesnges kayo, sikayon totood Jerusalem, a singa biin manaanak, ta nepeg a taynan yo natan so siudad tan manayam kayo ed maawang a kaumaan. Nepeg ya onla kayod Babilonia, balet iyagel to kayod man na Katawan ed saray kalaban yo.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Mateo 4:16

Saray totood sayan pasen ya abayag iran walad kabilongetan, anengneng day marlang a silew! Onsisindag yan silew ed saray manaayam diad kabilongetay patey!”

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

2 CORINTO 4:9

Dakel iray mamapasegsegang ed sikami, balet ag kami nanaandiay kaaro; tutumbaen da kami no maminsan, balet ag kami nalalausan.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.