Mikias 7:6 - Maung A Balita Biblia

⁶ Diad sarayan panaon saray lalakin anak et ipapasen dan makulang-kulang iray kaamaan da, sumpaen na saray bibii so kainaan da, tan kolkolen na saray malangwer a bibii iray katolangan dan bibii; saray kalaban na sakey a laki et saray dilin kabyangan na pamilya to.

Maung a Balita Biblia

⁶ Diad sarayan panaon saray lalakin anak et ipapasen dan makulang-kulang iray kaamaan da, sumpaen na saray bibii so kainaan da, tan kolkolen na saray malangwer a bibii iray katolangan dan bibii; saray kalaban na sakey a laki et saray dilin kabyangan na pamilya to.

Mikias 7:6 Iomraidhean Croise

Genesis 49:4

Singa ka mabiskeg a delap, Balet ag ka magmaliw a sankatalonggaringan, Lapud akiakdul kad inamung kon bii, Tan dinotakan moy dokulan na amam.

2 Samuel 16:11

Insan inkuanen David ed kinen Abisai tan saray amin ya opisyal to, “No say dilin anak ko et labay to ak a pateyen, ag kasi nagkalalo ed satan a Benjaminita? Imbaga na Katawan a manayew; kanyan paolyan yon gawaen to.

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Probirbio 30:11

Wala ray totoon isasamba ray kaamaan da, tan ag da pisasalamatan iray kainaan da.

Probirbio 30:17

Say toon luludlureyen toy ama to odino balbalawen toy akolaw lan ina to et nepeg a kanen na saray buitri, odino ipatoktok ed saray wawak ed katakelan iray mata to.

Isaias 3:5

Mampapairapan tan manlalamesan so balang sakey ed sikara. Saray tobun-balo ag da pagalangan iray pangulowan da, tan saray andi-kakanaan a totoo ag da italtalek iray walad pakaoley.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 9:4

Say balang sakey nepeg a manalwar ed anggan kaaro to, tan ag napampiaan na anggan siopa so agi to; ta managpalikdon singa si Jacob so balang agi, tan papaogesen na balang sakey iray kakaaro to.

Ezekiel 22:7

Anggapoy toon walad siudad a mangigagalang ed saray ateng to. Sasaolen mo ray sangkaili tan papairapen mo ray balo tan saray olila.

Obadias 1:7

Pinalikdo kayo na saray kagampi yon bansa; pinataynan da kayo ed dilin bansa yo. Dinakep kayo la natan na saray totoon kakaaro yo nen saman. Pinatitan kayo na saray totoon malmalet yon kakaaro; ikuandad sikayo, ‘Iner natan so kawalaan na kasiliban da?’

Mateo 10:21

“Papatey na saray totoo iray agagi ran dili. Papatey na saray kaamaan iray anak da; ontan met a labanan tan papatey na saray anak iray atateng da.

Mateo 26:23

Inmebat si Jesus, “Say kabansag kon mangisasawsaw na lima tod aralem a plato, sikatoy mantraidor ed siak.

Lucas 12:53

Saray ama sumlangen da ray anak dan lalaki; saray anak a lalaki sumlangen da ray kaamaan da. Saray ina sumlangen da ray anak dan bibii; saray anak a bibii sumlangen da ray kainaan da. Saray katolangan a bibii sumlangen da ray manugang dan bibii, tan saray manugang a bibii sumlangen da ray katolangan dan bibii.”

Lucas 21:16

Mantraidor ed sikayoy anggan saray dilin atateng, agagi, kakanayon, tan kakaaro yo. Papatey da ni ray arum ed sikayo.

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’