Mikias 7:13 - Maung A Balita Biblia

¹³ Balet magmaliw a kabueran so mundo lapud saray maoges a gagawaen na saray totoon manaayam.

Maung a Balita Biblia

¹³ Balet magmaliw a kabueran so mundo lapud saray maoges a gagawaen na saray totoon manaayam.

Mikias 7:13 Iomraidhean Croise

Say Libro nen Job 4:8

Akanengneng ak na saray totoon mambababa ed alog na kaogsan tan mantatanem na bokel na kabaglan, et manaani ra natan na kaogsan tan kabaglan.

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

Probirbio 31:31

Birbir mo lapud saray gagawaen to. Kanepegan toy pagalangan na amin a totoo.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Isaias 17:9

No onsabiy tan ya agew, saray siudad ya aliber na padir et nataynanan tan naderal-deral ira, a singa saray siudad a tinataynan na saray Heveo tan saray Amorreo nen imbatikan da ray totood Israel.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 21:14

Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 32:19

Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Ezekiel 12:19

Ibagam ed intiron bansa a sikato yay salita na Katawan a Dios ed saray totoon atilak ed Jerusalem: Onggiwgiw ira no mangan ira tan ompayegpeg irad takot no oninom ira. Naandian na karga so dalin da, lapud maoges so kabibilay na balang sakey ed sikara.

Ezekiel 33:28

Pagmaliwen kon begtebegtew tan andi-kakanaan so dalin na Israel tan panganggaen koy inkikinon dan pakayari. Pagmaliwen kon anggapoy onkitakitaw iray kapalandeyan to, pian anggapoy malabay ya ondalan diman.

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Mikias 3:4

Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Mikias 5:3

Kanyan say Katawan paolyan ton naoleyan na saray kalaban da iray totoo to ya anggad say mangyanak ed samay manoley et inyanak to la. Diad satan saray kabansaan ton nibantak ed arum a bansa et mikasakey irad saray kapara ran totood Israel.

Mikias 6:13

Kanyan inggapok lay panderal tan pamairap ed sikayo, lapud saray kasalanan yo.