Mikias 6:8 - Maung A Balita Biblia

⁸ Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Maung a Balita Biblia

⁸ Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Mikias 6:8 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 5:22

Kasumpal to ya, nambilay si Enoc na talon lasus taon a kaibiba toy Dios, tan wala ni ray arum ya anak ton lalaki tan bibii.

2 Saray Awaran 30:11

Anggaman ontan wala ray pigaran kabyangan na saray tribu di Aser, Manases, tan Zabulon a maabuloy iran onlad Jerusalem.

2 Saray Awaran 32:26

Diad kaonuran balet, nampaabeba si Ezekias tan saray totood Jerusalem, kanyan ag dinusa na Katawan iray totoo legan na impanbilay nen Ezekias.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

2 Saray Awaran 33:23

Balet ag to inalig si ama ton nampaabeba tan inmasingger ed Katawan; mapalalo niy ginagawa ton kaogsan nen si ama to.

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

Nehemias 9:13

Manlapud tawen inmakseb kad Palandey na Sinai, insan kad man akisalitad saray totoo; initdan mo ra na saray maung a ganggan, saray maptek a bangabangat.

Saray Salmo 101:1

Nipaakar ed inkatonung tan inkatoor yan kantak; et sika, O Katawan, so pangakantaan ko.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Saray Salmo 37:26

Mabolus lawas so linawa ton mangiter tan mamapabayes ed kapara ton too, tan bindision iray anak to.

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Probirbio 21:3

Say panggawa na kaptekan tan katonungan et makapaliket ed Katawan nen say pangisaklang na saray bagat ed sikato.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Isaias 56:1

Say Katawan kuantod saray totoo to, “Gawa yo so katonungan tan kaptekan, ta ag mabayag ilaban ta kayo.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Jeremias 22:16

Maptek so impanalaysay tod saray mairap-bilay, tan maung so nansumpalan na amin a bengatla. Sikato yay kabaliksan na pakapikabat ed Katawan.

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Saray Tagleey 3:26

Maung so mananos a manalagar ed panangilaban na Katawan.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Ezekiel 33:14

Nayarin pasakbayan koy toon maoges a sikatoy ompatey, balet no ontondan mankasalanan tan gawaen toy kaptekan tan kamaungan—

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Oseas 12:6

Kanyan natan, sikayon kabyangay boleg nen Jacob, manmatalek kayod Dios yo tan pawil kayod sikato. Mambilay kayon maaro tan matonung, tan anosan yoy manalagar ed antokaman a gawaen na Dios.

Oseas 6:6

Say ag mangoman a panangaro yo so labay ko, aliwan saray ibagat yon ayayep. Labay ko nin naamtaan ak na saray totook nen say mangisaklang irad siak na bagat a popoolan.

Levitico 26:41

tan anagyat ed siak ya onsumpad sikara tan mangibantak ed sikara diad dalin na saray kalaban da. Diad ontan, no saray kabyangay boleg yo et apaabeba la ra tan abayaran da la ray kasalanan da tan say insumlang da,

Amos 5:24

Ingen, onagos komun a singa kolus so katonungan, tan say kaptekan et singa ilog komun ya ag balut naekatan.

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Zacarias 7:9

“Nen saman saya so salitak ed saray totook: ‘Nepeg yon gawaen so inkatonung, tan mankakasiyan tan manaarowan so sakey tan sakey ed sikayo.

Mateo 5:3

“Maliket iray mamibirbir na pankaukolan dad maispiritu ran bengatla, ta kayaryan day Panarian na tawen!

Mateo 5:7

“Maliket iray mapangasi, ta kasian iray Dios!

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

Lucas 11:42

“Pakaskasi ki la, sikayon Pariseo! Iiter yoy kakaplo na anggan saray rikado, a singa say paminta, bawang, tan amin a pising, balet sasaolen yoy kapara yon totoo tan ag yo aaroey Dios. Nepeg a gawaen yo ra ya, balet ag yo papaolyan iray arum a ganggan.

Lucas 12:14

Inmebat si Jesus, “Siopa tay anorod siak a huis o manangapag yo?”

Lucas 6:36

Nepeg yoy mapangasi, a singa say mapangasin Ama yo.”

Saray Taga Roma 7:16

No gawaen koy ag ko labay, mapatnag sirin ya onaabubon ak a say Ganggan et maung.

Saray Taga Roma 9:20

Balet, kaaro, siopa kan too ya onebat ed Dios? Ibaga kasi na banga ed toon nanggawad sikato, “Akin et onyay impanggawam ed siak?”

1 CORINTO 7:16

Antoy amtam, no sikan bii a Cristiano so ikanay Dios ed kilalaban na asawam? Antoy amtam, no sikan laki a Cristiano so ikanay Dios ed kilalaban na asawam?

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

Deuteronomio 27:10

kanyan onur yo tan sumpal yo ray amin a ganggan to ya iiter kod sikayo natad sayan agew.”

Deuteronomio 30:15

“Natad sayan agew iter kod sikayoy pankanawnawan mampili ed maung tan maoges, bilay tan patey.

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

Santiago 2:20

Labay mo nin paneknekan kod sika, makulang-kulang, ya andi-kakanaan so pananisian anggapoy katekep to ran gawa?

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.