Mikias 6:6 - Maung A Balita Biblia

⁶ Antoy awiten kod Katawan a Dios na tawen, no onla ak a mangigalang ed sikato? Mangawit ak na saray sankaabigan a kilaw na baka ya isaklang kod sikato ran bagat a popoolan?

Maung a Balita Biblia

⁶ Antoy awiten kod Katawan a Dios na tawen, no onla ak a mangigalang ed sikato? Mangawit ak na saray sankaabigan a kilaw na baka ya isaklang kod sikato ran bagat a popoolan?

Mikias 6:6 Iomraidhean Croise

2 Samuel 21:3

Kanyan tinawag nen David iray totood Gabaon tan kuantod sikara, “Antoy labay yon gawaen ko para sikayo? Labay koy manggaway kamaungan ed sikayo ya isalat ed samay kaogsan ya agawad sikayo, pian nabindisionan yo ray totoo na Katawan.”

Saray Salmo 116:12

Antoy nayarian kon ibales ed Katawan lapud saray amin a kaabigan tod siak?

Saray Salmo 22:29

Ondakmomod sikato iray amin a totoon mapaatagey; ondakmomod sikato iray amin a totoon manganggay bilay da.

Saray Salmo 95:2

Ondago tayod arap to a misalamat ed sikato, tan mankanta itayo na saray maliket a kanta a pangidayew.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:3

Say panggawa na kaptekan tan katonungan et makapaliket ed Katawan nen say pangisaklang na saray bagat ed sikato.

Isaias 40:16

Amin da ray ayayep ed katakelan na Libano et kulang iran ibagat ed Dios tayo, tan kulang iray kiew ton pamool.

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Ezekiel 46:9

“No mangigalang ed Katawan iray totoo, no anggan anton pista, saray onloob ed Timplo diad puirtad bandad baybay et nepeg ya ompaway irad puirtad bandad abalaten kayari ran mangigalang, tan saray onloob ed puirtad bandad abalaten et nepeg ya ompaway ira ed puirtad bandad baybay. Anggapoy too ya abuloyan ya ompaway ed puirtan nilooban to, no ag ingen nepeg ya ompaway ed kapetekan na nilooban ton puirta.

Daniel 3:26

Kanyan si Nabucodonosor linmad puirta to may manliub a palbaan tan kinolyaotan to ra, “Sadrac, Mesac, tan Abednego! Sikayo ran aripen na Sankatageyan a Dios! Paway kayo la!” Et pinmaway iran tampol.

Daniel 4:9

Beltsasar a pangulo da ray managparles, amtak a walad sika so ispiritu da ray diriyos, tan natalusan mon amin iray mistirio. Sikato ya so kogip ko. Ibagam ed siak so kabaliksan to.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Daniel 5:21

Niarawid kawalaan na saray totoo, tan nagmaliw a panagnunot na ayep so panagnunot to. Nanaayam ed pasen a kaiba to ray asnod katakelan, singa bakan nanaakan na dika, tan nanoogip ed pasen ya anggapoy tarung, kanyan alitlinaewan. Onmay kipapasen to ya anggad sinmabiy panaon a binirbir ton walad silong na pakaoley na Sankatageyan a Dios iray amin a nanarian tan nayarian to ran iter ed siopaman a labay ton pangitdan.

Oseas 5:6

Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Amos 5:22

No mangyakar kayod siak na saray bagat a popoolan tan saray bagat a trigo ag ko ra awaten. Ag ko awaten iray pinataba yon ayayep ya iyakar yon bagat ed siak.

Mateo 19:16

Aminsan, walay sakey a lakin linmad kinen Jesus. Inkuanto, “Maistro, antoy maung a gawaen ko, pian nagamuran koy bilay ya andi-anggaan?”

Marcos 12:33

Kanyan say too nepeg ton aroen so Dios ed intiron puso to, tan diad intiron nunot to, tan diad intiron biskeg to. Nepeg to met ya aroen so kapara ton too a singa panangaro tod sikaton dili. Lalon maung ni ya, nen say pangibagat na ayayep a poolan ed altar tan say pangisaklang na arum ni ran bagat ed Dios.”

Marcos 5:7

insan to iningaingal, “Jesus, Anak na Sankatageyan a Dios, antoy pibabalim ed siak? Diad ngaray Dios, ipangasim ta ag mo ak papairapen!”

Lucas 10:25

Walay sakey a makabat ed Ganggan ya inmalagey ta labay ton suboken si Jesus. “Maistro,” tepet to, “antoy nepeg a gawaen ko pian nagamuran koy bilay ya andi-anggaan?”

Juan 6:26

Inmebat si Jesus, “Ibabagak ed sikayoy katwaan: aanapen yo ak aliwan lapud anengneng yo ray makapakelkelaw a gawgaway pakayarik, no ag lapud napsel kayon angay tinapay.

Saray Gawgawa 16:17

Tinotombuk toy Pablo tan sikami, tan iniingal-ingal to, “Sarayan totoo aripen iray Sankatageyan a Dios! Ibabawag dad sikayo so dalan na kilalaban!”

Saray Gawgawa 16:30

Impaway to ra tan tinepet to, “Antoy nepeg kon gawaen, pian nilaban ak?”

Saray Gawgawa 2:37

Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

TAGA-EFESO 3:14

Lapud saya, ontatalimukor ak ed arap na Ama

Saray Hebreo 10:11

Inagew-agew a manalagey tan manlingkur so balang pari da ray Judio, tan mamimpigan mangisaklang na nampaparan bagat. Balet ag makapaandiy kasalanan ira yan bagat.

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.