Mikias 6:5 - Maung A Balita Biblia

⁵ Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Maung a Balita Biblia

⁵ Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.

Mikias 6:5 Iomraidhean Croise

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Saray Salmo 143:11

Iyagel mo ak pa Katawan, onung na insipan mo; lapud inkatonung mo agwat mo ak pad saray gunigon ko!

Saray Salmo 36:10

Ituloy mo pan aroen iray makaamtad sika tan ipanengneng so kaabigan mo ed saray matonung.

Saray Salmo 71:19

O Dios, sabien na inkatonung mo so katawenan. Matalonggaring iray ginagawam; Siopay miparad sika?

Isaias 1:27

Lapud matonung so Katawan, iyagel toy Jerusalem tan amin da ray wadman a magbabawi.

Saray Bilang 22:41

Diad kaimbuas intagar nen Balak si Balaam ed Bamot-baal ta manlapud man a pasen nabantag nen Balaam iray arum a kabyangan na saray totood Israel.

Saray Bilang 23:27

Inkuanen Balak, “Gala, ta onla tad arum a pasen. Ag la pigan manlapud man say Dios abuloyan to kan mangisambad sikara para siak.”

Saray Bilang 25:1

Nen nankampod Patar na Acasia iray Israelita, saray lalaki ginapwan day akiakdul ed saray bibiin Moabita a wadman.

Saray Bilang 25:2

Sarayan bibii iniimbitaan da ra yan lalaki a mipista ed pambagat dad dios na Moab. Saray Israelita angaakan ira tan inggagalang da so

Saray Bilang 31:16

Nepeg yon nunoten a saray bibii so inmoonur ed saray bilin nen Balaam tan, diad Peor, inggolo da ray totoo ya onsumpad Katawan. Sikatoy makasengeg a dinmalan so salot ed saray totoo na Katawan.

Saray Bilang 31:8

pati saray limaran ari na Madian a di Evi, Rekem, Zur, Hur, tan Reba. Pinatey da met si Balaam a lakin anak nen Beor.

TAGA-EFESO 2:11

Kanyan nunot yoy gendat a kipapasen yo: nianak kayon Hintil, tan saray Judio a tatawagen day sikaran dili ya asegat, (onung ed gagawaey totood saray laman da) et tatawagen da kayon ag atandaay segat.

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Deuteronomio 23:6

Legan a sakey kayon bansa, ag yon balut tutulongan ira man a bansa o papaaligwasen ira.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.

Josue 3:1

Diad kaimbwas si Josue tan amin ya Israelita asaksakbay iran binmangon, tinaynan da may kampod Acacia, tan linma rad Jordan, a dimay nankampoan da legan na impanalagar dad ibaliw da.

Josue 4:19

Diad kumaplon agew na ononan bulan saray totoo binaliw day Jordan tan nankampo rad Gilgal a nibokig na Jerico.

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Saray Huis 11:25

Abaloan mon matalonggaring ka ni nen si Balac a lakin anak nen Zippor tan ari na Moab? Inmangat a mibakal ed Israel? Akibakal ed sikamin Israelita?

Saray Huis 5:11

Dengel kayo! Saray maingal a karaklan ed kaliber-liber na saray bobun et ibabaga ra so saray impanalo na Katawan, saray impanalo na saray Israelita! Insan nambabansag ya inmakseb a nanlapud saray siudad da iray totoo na Dios.

1 Samuel 12:7

Alagey kayo natan ed kawalaan yo, tan akusaen ta kayod arap na Katawan. Ipanunot kod sikayoy amin a pakelaw a ginagaway Katawan diad impangilaban tod sikayo tan saray lalaki yo.