Mikias 5:2 - Maung A Balita Biblia

² Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Maung a Balita Biblia

² Say Katawan kuanto, Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.

Mikias 5:2 Iomraidhean Croise

Genesis 35:16

Tinaynan nen Jacob tan say pamilya to so Betel, et nen asingger la ra ed Efrata, sinmabiy panaon a pananak nen Raquel, et nanairapan ed pampapasakit to.

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.

Genesis 48:7

Gagawaen ko ya, lapud kinen inam a Raquel. Kaermenan kon tuloy nen inatey si Raquel ed dalin na Canaan ya ag arawid Efrata, nen ompapawil ak a nanlapud Mesopotamia. Imponpon kod man diad gilig na dalan a mamaarap ed Efrata.” (Betlehem so tawag natan ed Efrata.)

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

1 Saray Awaran 2:54

Si Salma ya angiletneg na Betlehem so sengeg na saray totood Netofat, Astarot-bet-joab, tan saray Zorita a sikaray sakey ed duaran boleg ed Manahat. (

1 Saray Awaran 5:2

Balet nagmaliw a sankabiskegan so tribu nen Juda tan sikatoy nanlapwan na sakey a manoley ed amin a tribu.)

Saray Salmo 132:6

Nadngelan mid Betlehem so nipaakar ed Kaban na Sipanan, tan nalmo mi ed kaalogay Jearim.

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Exodo 18:25

kanyan amilid saray Israelita na lalakin sarag day mangipangulo. Impagmaliw to ran pangulo na tunggal libon totoo, tunggal lasus, tunggal limamplo, tan tunggal pulo.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Jeremias 30:21

Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.”

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Mikias 4:10

Yesyes tan ngesnges kayo, sikayon totood Jerusalem, a singa biin manaanak, ta nepeg a taynan yo natan so siudad tan manayam kayo ed maawang a kaumaan. Nepeg ya onla kayod Babilonia, balet iyagel to kayod man na Katawan ed saray kalaban yo.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Mateo 2:1

Nianak si Jesus ed baley na Betlehem ed Judea, nen manooley si Ari Herodes. Ag abayag, sinmabid Jerusalem iray makakabat a totoon nanlapud Bokig.

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Lucas 23:2

Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Lucas 23:38

Onyay akasulat ed olowan to: “Sikato yay Ari da ray Judio.”

Juan 7:42

Ag ta kuay Masanton Sulat a diad boleg nen David so panlapway Cristo tan nianak ed Betlehem, say baley a nanayaman nen David?”

Deuteronomio 1:15

Kanyan inalak iray pinili yon pangulod saray tribu yo a lalakin makabat tan walaan na saray salsalid bilay, insan ko ra impasen a makaoley ed sikayo. Pigarad sikara so makaoley ed tunggal libon totoo, tunggal lasus, tunggal limamplo, tan tunggal pulo. Anoro ak met na saray arum ya opisyal ed amin da ray tribu.

COLOSAS 1:17

Sikatoy wala la kasakbayan ya apalsay amin a bengatla tan diad panamegley to, maokoksuy ya amin iray bengatla.

Saray Hebreo 13:8

Si Jesu-Cristo sikato met lamlamang karuman, natan, tan anggad angga.

Saray Hebreo 7:14

Ta malinlinew a say Katawan kabyangay tribu nen Juda; tan ag binitla nen Moises yan tribu nen nansalita na nipaakar ed saray papari.

1 Juan 1:1

Isusulat mid sikayoy nipaakar ed Salita na bilay a wala la nanlapud gapoy gapo. Nadngel mi, anengneng na dilin mata mi, on, naimatunan mi, tan naegnaan na dilin lima mi.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Puyan 2:8

“Isulat mod anghil na iglisia ed Esmirna: “Sikato yay ibabaga to may sankaonaan tan say sankasamputan, say inatey tan inmolid bilay.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Saray Huis 17:7

Diad saman a panaon walay sakey a lakin tobun-balo a Levita a manaayam ed baley na Betlehem na Juda.

Ruth 1:1

Nen saman a panaon, nen say huis so manooley ed Israel, dinmalan so eras ed intiron bansa. Kanyan walay sakey a lakin taga Betlehem, a sakop na Juda a linman akiayam ed bansa na Moab. Kaiba toy asawa to tan saray duaran anak ton lalaki.

Ruth 4:11

Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.

1 Samuel 10:19

Sikatoy Dios yo, say angyagel ed sikayod amin a gunigon tan kairapan yo, balet natan impolisay yo ak tan kinmerew kayo na sakey ya ari. Sigi sirin, mantitipon kayod arap na Katawan, onung ed tribu tan onung ed boleg.’”

1 Samuel 17:12

Si David et anak nen Jesse ya Efratita, a taga Betlehem ed Juda. Si Jesse waloray anak ton lalaki, tan masikesiken la nen ari si Saul.

1 Samuel 17:18

Awit mo met ira yay samploran kiso a para samay panguloy sanlibon sondalo. Nengneng mo no antoy kipapasen da ra may kuyam, tan mangawit ka diay bengatlan pakapatnagan ya anengneng mo ra tan maung so kipapasen da.

1 Samuel 23:23

Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.”

1 Samuel 8:12

Pagmaliwen to ray arum ed sikara a pangulo na tunggal libon sondalo, tan saray arum pangulo na tonggal limamplon sondalo. Pambakaen tod alog to iray anak yo, pananien to ra, tan panggawaen to ra na armas tan kagawaan na saray karwahi to.