Mikias 4:8 - Maung A Balita Biblia

⁸ Et sika, Jerusalem, a kawalaan na Dios, diad pambantay tod saray totoo to a singa pambantay na sakey a pumapastol a walad tori to, et magmaliw ka lamet a manonan siudad na nanarian a singa samay gendat.

Maung a Balita Biblia

⁸ Et sika, Jerusalem, a kawalaan na Dios, diad pambantay tod saray totoo to a singa pambantay na sakey a pumapastol a walad tori to, et magmaliw ka lamet a manonan siudad na nanarian a singa samay gendat.

Mikias 4:8 Iomraidhean Croise

Genesis 35:21

Intuloy nen Jacob so impankurang to, tan nankampo ed biek a dapag na tori ed Eder.

2 Samuel 5:7

Balet dinakep nen David so tirinsira na Sion, kanyan nagmaliw ya atawag na “Siudad nen David.”)

Nehemias 3:25

Impaalagey nen Palal a lakin anak nen Uzai so onsoblay a soldung na padir manlapud suyok na padir tan say tori ed atagey a parti na palasio diad abay na kuartil da ray guardia; Impaalagey nen Pedaya a lakin anak nen Paros so onsoblay a soldung na padir ya anggad bokig ya asingger ed Puirta na Danum tan say tori a mangguaguardiad Timplo. (Sikato yay pasen ya asingger ed parti na siudad a tatawagey Ofel, a diay nanayaman da ray kumikimey ed Timplo.)

Saray Salmo 24:7

Ilokas yoy maawang iray puirta, ilokas yo ray kadaanan a kaput, ta onloob so matalonggaring ya ari!

Saray Salmo 48:3

Impanengneng na Dios ya anggapoy nagawan maoges ed loob na saray tirinsira na siudad lapud kiwawala tod man.

Saray Salmo 61:3

ta sikay manangyagel ko, say mabiskeg a mangilaban ed siak ed saray kalaban ko.

Kanta nen Solomon 4:4

Say beklew mo et singa tori nen David, malimpek tan pino-pinoy baog to; walay kuintas ton singa akasabit a sanlibon samper na sondalo.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Isaias 10:32

Wala la natad sayan agew ed baley na Nob iray kalaban, tan aayagan day poniti so Palandey na Sion tan say siudad na Jerusalem.

Isaias 5:2

Binukalkal to may dalin tan inekalan to na bato; tinaneman to na sankaabigan iran wakal na ubas. Angipaalagey na tori a panagbantayan, insan angotkot na abut a panaggatinan na ubas. Inalagar ton aloto ray bungay ubas, balet anakseng iran amin.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 7:18

Saray totoo na Sankatageyan a Dios et awaten da so panarian tan anggad anggan mansiansiad sikara yan panarian.”

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Zacarias 9:10

Say Katawan kuanto, “Ekalen kod Israel iray karwahin para bakal; ekalen kod Jerusalem iray kabayon para bakal; naderal iray panan inkakanad bakal. Say ari yo et mikaaro ed saray arum a bansa; manoley a manlapud sakey a dayat ya anggad sananey a dayat, manlapud Ilog na Eufrates ya anggad saray samput na dalin.”

Zacarias 9:12

Pawil kayo la, sikayon nibantak ed arum a bansa a natan wala lay ilalo yo; pawil kayod pasen yon arawid kaatapan. Ibabagak ed sikayo natan a say bindision ya iter kod sikayo et mamidwad karakel na saramay kairapan a nilikna yo.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Saray Bilang 24:19

Gatin-gatinan ira na bansa ya Israel Tan deralen to ray akapaliis ed patey.”

Mateo 21:33

“Dengel kayo nid sakey ya alimbawa,” kuanen Jesus. “Walay sakey a toon nantanem na ubas. Inalar to tan nanggaway panagpespesay ubas. Amaalagey met na atagey a panagbantayan. Impaasikaso tod saray kasamak, insan linmad sananey a bansa.

Marcos 12:1

Insan nansalitay Jesus ed sikara diad panamegley na saray alimbawa. Inkuanto, “Walay sakey a toon nantanem na saray ubas. Inalar to tan nanggaway panagpespesan na saray ubas. Amaalagey met na atagey a panagbantayan. Impaasikaso tod saray kasamak, insan linma ed sananey a bansa.

TAGA-EFESO 1:21

Si Cristo manarid man ed amin da ray mangatatawen a manoley, saray walay betang, saray walay pakayari, tan anggan saray kakatawan; walad silong na pakayari toy amin a mambebembey betang diad sayan mundo tan anggan diad arapen.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.