Mikias 4:12 - Maung A Balita Biblia

¹² Balet ag amta na sarayan bansa so kanunotan na Katawan. Ag da natatalusan a nantitipon iran nadusa a singa kiakar na saray pinalut ed panagilikan.

Maung a Balita Biblia

¹² Balet ag amta na sarayan bansa so kanunotan na Katawan. Ag da natatalusan a nantitipon iran nadusa a singa kiakar na saray pinalut ed panagilikan.

Mikias 4:12 Iomraidhean Croise

Saray Salmo 147:19

Ibabaga tod saray totoo to so salita to; ipapaamta tod Israel iray bilin tan ganggan to.

Saray Salmo 147:20

Ag to ya ginawa para saray arum a bansa; ag da amta ray ganggan to. Idayew yoy Katawan.

Isaias 10:7

Balet say impirador na Asiria wala ray maruksan plano ton dili. Ginetma ton deralen iray amayamay a bansa.

Isaias 21:10

Totook a taga Israel, singa kayo trigon nailik-ilik, balet natan imbawag kod sikayo so maung a balitan nadngel ko ed Katawan a Makapanyarin-amin a Dios na Israel.

Isaias 29:7

naandipat ed satan a singa kogip, singa pasingayew ed labi, iray amin a sondalo na saray bansan dinmodogpa ed siudad na altar na Dios tan amin da ray armas tan saray kagawaan da.

Isaias 55:8

Say Katawan kuanto, “Saray kanunotan ko et aliwan singa saray kanunotan yo, tan saray kagagawak et aliwan singa saray kagagawa yo.

Jeremias 29:11

Siak labat so makaamta na saray planok ed sikayo. Sarayan plano et makaiter ed sikayo na aligwas, aliwan deral; saray planon mamatwa ed iilaloan yon nagawa ed arapen a panaon.

Jeremias 51:20

Say Katawan kuanto, “Babilonia, sikay masok, say armas kod bakal. Inkana ta kan nanmemekmek ed saray bansa tan saray nanarian,

Jeremias 51:33

Ag mabayag, gapasen ira la na saray kalaban tan gatin-gatinan da ran singa ilik ed panagilikan. Siak, say Katawan a Makapanyarin-amin a Dios na Israel, so nansalita.”

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Lucas 3:17

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”