Mikias 3:6 - Maung A Balita Biblia

⁶ “Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Maung a Balita Biblia

⁶ Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.

Mikias 3:6 Iomraidhean Croise

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 59:10

tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 15:9

Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Amos 8:11

“Onsabiy panaon a mangipadalan ak ed bansa yo na eras, balet ta aliwan eras ed kakanen tan iinomen no ag ingen eras ed pandengel na salitay Katawan. Siak, say Katawan a Dios, so nansalita.

Mikias 2:6

Saray totoo pupulongan da ak a kuanda, “Ag mo kami pupulongan. Ag mo tan ipupulong ed sikami. Say Dios et ag to kami ipelag ed kababaingan.