Mikias 3:4 - Maung A Balita Biblia

⁴ Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Maung a Balita Biblia

⁴ Onsabiy panaon ya ontawag kayod Katawan, balet ag to kayo dengelen. Ag to ebatan iray pikakasi yo, lapud nanggagawa kayoy kaogsan.

Mikias 3:4 Iomraidhean Croise

Say Libro nen Job 27:9

No gunigon so onsabid sikato, dengelen kasi na Dios so itawag to?

Say Libro nen Job 35:13

Andi-kakanaan so ikekerew day tulong; ag ira iimanoen o dengelen na Makapanyarin-amin a Dios.

Saray Salmo 18:41

Onkekerew ira na tulong, balet anggapoy mangilaban ed sikara; mikakasi rad Katawan, balet ag to ra ebatan.

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Jeremias 11:11

Lapud saya, siak, say Katawan, papasakbayan ko ra a deralen ko ra tan ag ira makabatik. Tan no sikaray onkerew na tulong ed siak, ag ko ra dengelen.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 33:5

Onlaban iray pigara ed saray taga Babilonia a mampanod sayan siudad na saray bangkay da ray kabilen ko lapud pasnuk tan sanuk ko. Inmarawi ak ed sayan siudad lapud saray maoges a bengatlan ginagawa na saray totoo to.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Mikias 7:13

Balet magmaliw a kabueran so mundo lapud saray maoges a gagawaen na saray totoon manaayam.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Mateo 7:22

No onsabiy Agew na Okum, dakerakel iray mangibagad siak na: ‘Katawan, Katawan! Diad ngaran mo nampupulong kami, pinapaekal mi ray dimonyo tan nanggagawa kami ray milagro!’

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’

Juan 9:31

Amta tayon ag dedengelen na Dios iray makasalanan. Say dedengelen to say toon matway pangigalang tod Dios tan mangoonur na linawa to.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

1 Samuel 8:18

No onsabi yan panaon, onakis kayon manriklamo lapud ari yo—et sikayon diliy nanlabay a nawalaan kayoy ari—balet ag kayo dengelen na Katawan.”