Mikias 2:3 - Maung A Balita Biblia

³ Kanyan say Katawan kuanto, “Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Maung a Balita Biblia

³ Kanyan sa Katawan kuanto, Mangyakar ak na deral ed sikayo tan ag yo ya nibatikan. Nagulo-gulo kayo, tan diad satan ag kayo la makapanakar a mataltalker so tenger yo.

Mikias 2:3 Iomraidhean Croise

Isaias 29:20

Sayan agew balet so anggaan da ray mamapairap ed saray arum a totoo tan mangipapanengneng na ag da pangingalngalep ed Dios. Naderal ya amin iray makasalanan.

Isaias 3:16

Inkuay Katawan, “Agaylay panag-paatagey na saray bibiid Jerusalem! Mataltalker so tenger dan manakar: Mankindat ira lawas. Ankekelanting so kupbang da, tan mantaningting so pulsiras dad kalit-kalit.

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay da—salatan da lay kabibilay da tan bengatlan gagawaen da.

Jeremias 27:12

Onya met so inkuankod kinen Ari Sedekias na Juda, “Paoleyan kad ari na Babilonia. Manlingkur kad sikato tan saray totoo to, et mambilay ka.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 36:23

No nabasa nen Jehudi so talora odino apatiran karasig, salgeren ya ekalen na ari insan to ibontuk ed apoy. Onyay ginagawa to ya anggad apoolan imay intiron babasaen.

Jeremias 43:2

Insan si Azarias a lakin anak nen Hosaya, si Johanan a lakin anak nen Carea, tan saray arum a mapaatagey a totoo kuandad siak, “Mantitila ka. Ag ka imbaki na Katawan a Dios mi a mangibagad sikamin ag kami manayam ed Egipto.

Jeremias 8:3

Saray makapaliis ed patey a totood sayan maoges a bansa a manaayam irad saray lugar ya angikaykayatan kod sikara et lablabayen da niy ompatey nen say mambilay. Siak, say Katawan a Makapanyarin-amin so nansalita.”

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Saray Tagleey 5:5

Pinairap da kamin pinabatik a singa asno o kamilyo, naknaksawan kami, balet ag da kami abuloyan a mampainawa.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Amos 2:14

Ag makaarawi iray anggan totoon mabatik; onkapoy iray mabiskeg a totoo, tan ag niagel na saray sondalo so dilin bilay da.

Amos 3:1

Totood Israel, dengel yo yay sinalita na Katawan nipaakar ed sikayo, amin yon totood bansa ya impaway to ed Egipto:

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Amos 5:13

Kanyan diad sarayan maoges a panaon maung lay ag oneseesel so too.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Saray Taga Roma 16:4

Imposta ray bilay da nisengeg ed siak, kanyan pisalsalamatan ko ra; aliwan siak labat so misasalamat ed sikara, no ag ingen pati amin ya iglisia da ray Hintil.

TAGA-EFESO 5:16

Anamut yoy pankanawnawa yon manggaway kamaungan, ta maoges so kiwas na bilay diad sarayan agew.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.