Mikias 2:12 - Maung A Balita Biblia

¹² “Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Maung a Balita Biblia

¹² Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.

Mikias 2:12 Iomraidhean Croise

1 Saray Awaran 1:44

Nen inatey si Bela sinalatan nen Jobab a lakin anak nen Zera, tan taga Bosra.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 27:12

Diad satan ya agew, manlapud Eufrates ya anggad ketegan na Egipto, say Katawan tiponen ton sansakey iray totoo to, a singa say kibiig na ilik ed apa no iiliken.

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Isaias 5:17

Diad saray deral-deral na saray siudad mankabkab na dika iray kordiro tan makalmo ray napankabkaban iray kilaw na kanding.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Ezekiel 34:11

“Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Ezekiel 34:13

Alaen ko rad saray arum a bansa, pantitiponen ko ra, insan ko ra ipawil ed dilin dalin da. Iwanwan ko rad kapalandeyan tan kakolusan na Israel, tan pankabkaben ko rad malambut a pastolan.

Ezekiel 34:22

Balet iyagel ko ray karnirok tan ag ko la iyabuloy a napairap ira lamet. Sintinsiaan ko so balang sakey ed saray karnirok ta ibiig koy maung ed maoges.

Ezekiel 34:31

“Sikayo ran karnirok, say poluk a papakanen ko, et sikayo ray totook, tan siak so Dios yo,” kuay Katawan a Dios.

Ezekiel 36:37

Say Katawan a Dios kuanto, “Abuloyan ko lamet iray Israelita ya onkerew irad siak na tulong, tan parakelen koy bilang da a singa poluk na karniro.

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Oseas 1:11

Mankasakey iray totood Juda tan saray totood Israel. Mamili ra na saksakey a pangulo ra, et ombaleg tan onaligwas ira lamet ed dilin dalin da. On, matalonggaring so agew nen Jezreel!

Amos 1:12

Lapud saya mangyakar ak na apoy ed siudad na Teman tan poolan ko ray tirinsira na Bozra.”

Mikias 2:13

Say Dios lokasan toy dalan para sikara tan iwanwan to ra manlapud inkibantakan da. Ompaway irad saray puirta na siudad tan nabolus la ra. Say Katawan a dili ya ari ra so mangiwanwan ed sikara.

Mikias 4:8

Et sika, Jerusalem, a kawalaan na Dios, diad pambantay tod saray totoo to a singa pambantay na sakey a pumapastol a walad tori to, et magmaliw ka lamet a manonan siudad na nanarian a singa samay gendat.

Mikias 5:7

Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.