Mikias 2:1 - Maung A Balita Biblia

¹ Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Maung a Balita Biblia

¹ Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Mikias 2:1 Iomraidhean Croise

Genesis 31:29

Walay pakayarik a mamasakit ed sika, balet pinasakbayan ak na Dios nen amam ya ag ta kan balut diwiten.

1 Saray Arari 21:7

“Aliwa tan ari ka na Israel?” ebat nen Jezebel. “Bangon kad tad katri, manliket ka tan mangan ka. Iter kod sikay kaubasan nen Nabot!”

Ester 3:8

Kanyan inkuanen Haman ed ari, “Walay sakey a poli na totoon nitaytayak irad intiron impiriom. Narumog ira ed balang luyag. Nidomad arum a totoo iray totombuken dan kaogaliyan. Sakey ni, ag da oonuren iray ganggan na impirio, kanyan ag mo pankaabigan so pamaolyan mod sikara.

Ester 5:14

Kanyan si asawa to tan saramay kakaaro to inkuandad sikato, “Mampagawa kay panagbitayan a duamplo tan talon mitro so kaatagey to. Nabwas na kabwasan kerew mod ari ya ibitay si Mardokeo ed panagbitayan ya impagawam. Diad ontan maliket kan onlad ponsia ya imparaan na riyna.” Apaknaan nen Haman yan kanunotan, kanyan nampagawa na panagbitayan.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Say Libro nen Job 15:35

Sikara yay totoon mamplaplanoy kaogsan tan manggagaway golo; napno lawas na panamalikdo so kapusoan da.”

Say Libro nen Job 24:14

Ompaway no palbangon so managpatey na too tan pateyen to ray mairap-bilay, insan diad labi mantakew.

Saray Salmo 36:4

Mangiplaplanoy maoges no mandokdokul; anggapoy maung a gagawaen to; ag ton balut ipopolisay so kaogsan.

Saray Salmo 36:5

Katawan, say ag mangoman a panangarom et sasabien to ray katawenan; say katooran mo et sasabien to ray kaloreman.

Saray Salmo 58:3

Saray totoon maoges et maoges irad intiron bilay da; manlapud inkianak da, mantitila la ra.

Probirbio 12:2

Pakaliliketan na Katawan iray totoon matonung, balet sisintinsiaan ton nadusa iray mamplaplanoy kaogsan.

Probirbio 14:22

No pankaabigan so gawaen mo panmatalkan tan galangen ka na arum a totoo; no pankaogsan so gagawaen mo, nalilingo ka.

Probirbio 3:27

No nayarian mo, manggawa kay kamaungan ed saray mankaukolan.

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Isaias 29:20

Sayan agew balet so anggaan da ray mamapairap ed saray arum a totoo tan mangipapanengneng na ag da pangingalngalep ed Dios. Naderal ya amin iray makasalanan.

Isaias 3:14

Say Katawan iyaakar tod panagsintinsiaan iray mamasiken tan saray pangulo na saray totoo to. Kuantod sikara, “Sikayoy nanaala na saray bungay kaubasan, tan napno na saray sinamsam yod saray mairap-bilay iray kaabungan yo.

Isaias 32:7

Maoges so toon makulang-kulang tan kaogsan iray gagawaen to; nununoten toy paneral tod saray mairap-bilay diad panamegley na saray tila tan diad panebel tod sikaran makagamur na katonungan da.

Isaias 5:8

Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Isaias 59:3

Nankasalanan kayod panagtila yo, panagduksa yo, tan panagpatey yoy too.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Ezekiel 11:2

Inkuan na Dios ed siak, “Sika a toon ompatey, maoges so iplaplano na saray lalaki tan makapoy a simbawa so iiter dad sayan siudad.

Ezekiel 33:26

Manmamatalek kayo ed saray ispada yo. Makapaingungot iray kagagawa yo. Mikakaloguran so balang sakey ed sikayo. Panoy pangibabaga yon kayaryan yoy dalin?

Ezekiel 38:10

Sikato yay kuan na Katawan a Dios ed kinen Gog: “No onsabiy tan a panaon igapom so mannunot na sakey a maoges a plano.

Ezekiel 46:18

Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.”

Mikias 6:12

Saray mamayaman a totoo yo et papairapen da ray mairap-bilay, tan matila kayon amin.

Nahum 1:11

Nanlapud sika, Ninive, so sakey a toon walay maoges iran plano, a sikatoy angigolo na komplut a sumpad Katawan.

Zacarias 7:10

Ag yo papairapen iray balo, saray olila, saray sangkailin manaayam ed dalin yo, odino siopaman a walad pankaukolan. Tan ag kayo mannununot a manggaway maoges ed siopaman.’

Marcos 15:1

Kasabiy kabwasan, nantitipon a namplano ray manonan papari, saray mamatakken na baley, saray iskriba, tan saray arum ni ran kabyangay Sanidrin. Binalur day Jesus, insan da inyakar ed kinen Pilato.

Lucas 20:19

Saray iskriba tan saray manonan papari ginetma ran erelen si Jesus ed saman a bekta, lapud amta ran sikaray papasikian tod sayan alimbawa. Balet ag da ya nagawaan, ta antakot da ray totoo.

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Saray Gawgawa 23:12

Nen ontombuk a kabwasan, nantitipon iray pigaran Judio tan sinambaan day ag mangan o oninom, anggad ag da napatey si Pablo.

Saray Gawgawa 23:15

Kanyan sikayo tan say Sanidrin, kerew yod kapitan ya ibaki tod sikayo si Pablo. Ibaraan yo a labay yo nin tepetan a maung na nipaakar ed sikaton dili. Balet sipaparaan kamin mamatey ed sikato, kasakbayan a makasabi dia.”

Saray Taga Roma 1:30

managderal na kagalangay kapara ran too, managbosul ed Dios, managpabaing, mapaatagey, mapasirayew, managanap na balon kaogsan a gawaen da, benger irad atateng da.

Deuteronomio 28:32

Sankanengneng yon niiter ya ed saray sangkaili iray anak yon lalaki tan bibii. Inagew-agew ya onagasang so mata yod pannengneng yod ipawil na saray anak yo, balet ta ag la ra ompawil.