Mikias 1:6 - Maung A Balita Biblia

⁶ Kanyan say Katawan kuanto, “Pagmaliwen ko a bunton na deral-deral so Samaria diad maawang a kaumaan, say pasen a taneman na saray ubas. Ibalasobus kod patar iray aderal-deral ed siudad tan paolyan kon kipaway-paway iray pundasion na siudad.

Maung a Balita Biblia

⁶ Kanyan sa Katawan kuanto, Pagmaliwen ko a bunton na deral-deral so Samaria diad maawang a kaumaan, say pasen a taneman na saray ubas. Ibalasobus kod patar iray aderal-deral ed siudad tan paolyan kon kipaway-paway iray pundasion na siudad.

Mikias 1:6 Iomraidhean Croise

2 Samuel 17:13

No ombatik ed sakey a siudad, mangalay lobir iray totoo tayo tan biraen tayod patar so siudad! Diad satan, anggapoy anggan sakey a baton natilak diman ed toktok na pokdul.”

2 Saray Arari 18:10

Adakep so Samaria nen kumatlon taon na inkalakob to; sikato yay kumanem a taon na panooley nen Ezekias tan kumasyam a taon na panooley nen Oseas.

2 Saray Arari 18:9

Diad kumapat a taon na panooley nen Ezekias—a sikatoy kumapiton taon na panooley nen Ari Oseas ed Israel—nilabanan nen Impirador Salmaneser na Asiria so Israel tan nilakob toy Samaria.

2 Saray Arari 19:25

“Ag mo ta ni nadngelan ya abayag ko la yan ginetma? Susumpalen ko la ya natan. Initdan ta kay pakayari a napagmaliw mon bontun na deral-deral iray aliber na padir a siudad.

Isaias 17:1

Sikato yay propisiya a nipaakar ed Damasco. Inkuan na Katawan, “Magmaliw ya aliwa lan siudad so Damasco; magmaliw labat lan bonbontun na deral-deral.

Isaias 25:12

Deralen na Katawan iray tirinsira tan saray atatagey a padir na Moab tan igeba to rad dabuk.

Isaias 25:2

Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Jeremias 31:5

Taneman yo lamet iray kaubasan ed toktok na kapokdulan na Samaria, tan saray mantanem kanen da ray bungay kaubasan.

Jeremias 51:25

Babilonia, singa ka sakey a palandey a maneral ed intiron mundo, balet kalaban mo ak, siak a Katawan. Egnaan ta ka, ipalanas ta kad dalin, tan padapulen ta ka.

Jeremias 51:37

Insan magmaliw a bunton na deral-deral so Babilonia tan panayaman na saray ayayep ed katakelan. Makapataktakot a nengnengen; anggapod may toon manayam, tan nataktakot ya amin iray makanengneng ed agawa.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Tagleey 4:1

Binmurarog la so kirlap na balituk tayo; ataytayak ed saray dalan iray bato na Timplo;

Ezekiel 13:14

Ginetmak ya igebad dalin imay padir a tinapalan na dena, mekmekan ko, tan paolyan kon ompaway iray baton pundasion to. Natumbaan kayo ya amin no nageba tan ompatey kayo. Diad satan naamtaan na balang sakey a siak so Katawan.

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Amos 6:8

Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Habacuc 3:13

Pinmaway kan mangilaban ed saray totoom, tan mangiliktar ed pinilim ya ari. Kinabil moy pangulo da ray totoon maoges tan sigput mon dineral iray totoo to.

Mateo 24:2

Inkuantod sikara, “Nanenengneng yo ra tan a paalagey? Ibagak ed sikayo: anggapoy anggan sakey a baton natilak ed pasen to, ta nageba ran amin.”