Mikias 1:16 - Maung A Balita Biblia

¹⁶ Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.

Maung a Balita Biblia

¹⁶ Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.

Mikias 1:16 Iomraidhean Croise

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Jeremias 16:6

Ompatey ed sayan dalin iray mamayaman tan saray mairap-bilay, balet anggapoy manermen odino mangipompon ed sikara. Anggapoy manggerger na laman odino mangiskis na olo to a pangipanengneng toy paneermen to.

Jeremias 4:8

Kanyan mansolung kayoy sako, mannangis tan manermen kayo, lapud ag nakal ed Juda so ontan lan sanuk na Katawan.

Jeremias 47:5

Sinmabiy baleg a kaermenan ed saray totood Gaza, tan ag oneseesel iray totood Ascalon. Kapigan ontonda so panermen na saray arum a Filisteo?

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Jeremias 7:29

“Manermen kayo, sikayo ran totood Jerusalem; potut yoy buek yo, insan yo ibantak. Manogtog kayod toktok na kapok-dulan na makapaermen, ta siak, say Katawan, impolisay tan inkaindan ko ra yan totoo a pamapasnukan ko.

Saray Tagleey 2:19

Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo— Saray anak ya ompapatey ed eras diad balang sokung na daladalan!

Amos 7:11

Saya so kuanto: ‘Ompatey ed bakal si Jeroboam, tan saray totood Israel naala rad dilin bansa ra tan nibantak irad arum a bansa.’”

Amos 7:17

Lapud saya, Amasia, say Katawan kuantod sika. ‘Magmaliw a marotak a bii ed siudad so asawam tan napatey ed bakal iray anak mo. Naapag-apag so dalin mo tan niiter irad saray arum a totoo, tan napatey kad bansa da ray pagano. Andi-saew a saray totood Israel et naala rad dilin bansa ra tan nibantak irad arum a bansa.’”

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Deuteronomio 28:41

Nawalaan kayo na saray anak a lalaki tan bibii, balet naandi rad arap yo, lapud nadakep irad bakal.