Mateo 9:24 - Maung A Balita Biblia

²⁴ Inkuantod sikara, “Paway kayon amin! Ag inatey so ogaw; nanaogip labat.” Balet inelek-elekan da labat si Jesus.

Maung a Balita Biblia

²⁴ Inkuantod sikara, Paway kayon amin! Ag inatey so ogaw; nanaogip labat. Balet inelek-elekan da labat si Jesus.

Mateo 9:24 Iomraidhean Croise

Say Libro nen Job 12:4

Elek-elekan ak natan na anggan saray kakaarok, elek-elekan da ak anggaman a matonung ak tan anggapoy pakabalawan ed siak; balet walay panaon ya inebatan na Dios so pikakasik.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Marcos 5:40

Inelek-elekan da labat si Jesus. Pinapaway to ran amin, likud ed saray ateng na ogaw tan saramay taloran disipulo, insan linma rad kuarton kawalaay ogaw.

Lucas 8:53

Inelek-elekan da labat si Jesus, ta amta ran inatey la may ogaw.

Juan 11:4

Balet nen nadngelan ya nen Jesus, inkuanto, “Aliwan patey so pansumpalan to yan sakit nen Lazaro. Agawa yan pakagalangay Dios, pian nitanduroy Anak na Dios.”

Saray Gawgawa 20:10

Balet inmekseb si Pablo tan dinakmomoan ton nilakap. “Ag kayo mapaga,” inkuanto, “ta mabilay!”

Saray Gawgawa 9:40

Pinapaway nen Pedro ran amin, insan nantalimukor a nampikasi. Inarap to may bangkay, insan inkuanto, “Tabita, bangon ka!” Minmorikat, et nen anengneng toy Pedro, inmirung.