Mateo 9:2 - Maung A Balita Biblia

² Walay sakey a lakin paralitiko a nilibit na pigaran totoo ed dokulan to tan inyakar dad kinen Jesus. Anengneng nen Jesus so pananisia ra, kanyan inkuantod samay paralitiko, “Pakpel moy linawam, anak ko! Apirdona la ray kasalanan mo!”

Maung a Balita Biblia

² Walay sakey a lakin paralitiko a nilibit na pigaran totoo ed dokulan to tan inyakar dad kinen Jesus. Anengneng nen Jesus so pananisia ra, kanyan inkuantod samay paralitiko, Pakpel moy linawam, anak ko! Apirdona la ray kasalanan mo!

Mateo 9:2 Iomraidhean Croise

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Mateo 14:27

Balet tampol ya inkuantod sikara, “Pakpel yoy loob yo, ta siak ya. Ag kayo natatakot!”

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.

Mateo 8:16

Nen labi la, inyakar na saray totoo ed kinen Jesus iray dakerakel ya inaponan na saray dimonyo. Pinapaekal to ray dimonyo diad sakey labat a salita to, tan pinapaabig ton amin iray mansasakit.

Mateo 9:22

Linmingaw si Jesus, anengneng to may bii tan inkuanto, “Paksil moy linawam, anak ko! Say pananisiam so amaabig ed sika.” Inmabig may bii diad saman a bekta.

Mateo 9:5

Dinay lalon mainomay ya ibaga: say pangibagay, ‘Apirdona la ray kasalanan mo,’ o say pangibagay, ‘Alagey ka, insan ka manakar’?

Mateo 9:6

Paneknekan kod sikayo sirin a say Anak na Too et walay pakayari tod tapew na dalin a mamirdonay kasalanan.” Inkuantod satan ed samay paralitiko, “Alagey ka, alam tay dokulan mo, tan sempet ka la!”

Marcos 1:32

Kaselek na agew, inyakar na saray totoo ed kinen Jesus iray amin a mansasakit tan saray inaaponan na saray dimonyo.

Marcos 10:49

Tinmonday Jesus tan impatawag to. Kanyan tinawag da may bulag tan kuanda, “Pabiskeg moy linawam. Alagey ka, ta patatawag to ka.”

Marcos 5:34

Inkuanen Jesus, “Anak ko, say pananisiam so amaabig ed sika. Onla kan mareen lay kalakal mo, tan ag la ompawil so sakit mo.”

Marcos 6:50

Ataktakot iran amin diad impakanengneng dad sikato. Balet tampol ya inkuantod sikara, “Pakpel yoy loob yo, ta siak ya. Ag kayo natatakok!”

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Juan 2:25

Ag la nakaukolan ya ipaamta na siopaman ed sikato no antoy inkatoo na anggan siopa, ta kabat to so walad puso na too.

Juan 21:5

Insan kuantod sikara, “Anak, walay nala yon sira?” Inmebat ira, “Anggapo.”

Saray Gawgawa 14:9

Manyodyorung ya ondedengel ed pampupulong nen Pablo. Ninengneng ton maung imay lopuy, et nen anengneng ton walay pananisia ton onabig,

Saray Gawgawa 19:12

Anggan saray panyo tan tapitapi a nidiwit ed laman to inyaakar dad saray mansasakit, et inmaabig ira tan inmeekal ed sikaray maoges iran ispiritu.

Saray Gawgawa 23:11

Nen ontombuk a labi, nanalagey so Katawan ed abay nen Pablo tan inkuanto, “Pabiskeg moy linawam! Tinasian mo ak diad Jerusalem. Nepeg mo met yan gawaen diad Roma.”

Saray Taga Roma 5:11

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.

Santiago 2:18

Balet walay mangikuan, “Walay pananisiam, balet wala ray gawak.” Ebat ko met balet, “Ipanengneng mod siak so pananisiam ya anggapoy katekep to ran gawa, tan ipanengneng kod sikay pananisiak diad panamegley da ray gawak.”