Mateo 8:8 - Maung A Balita Biblia

⁸ Balet inmebat imay kapitan, “Katawan, ag ak manepeg a laen mo nid abung ko. Ibagam labat lay salita et onabig lay katulong ko.

Maung a Balita Biblia

⁸ Balet inmebat imay kapitan, Katawan, ag ak manepeg a laen mo nid abung ko. Ibagam labat lay salita et onabig lay katulong ko.

Mateo 8:8 Iomraidhean Croise

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Saray Salmo 10:17

Dengelen mo, Katawan, so pikakasi da ray mapaabeba; pabiskegen moy linawa ra.

Saray Salmo 107:20

Lapud ganggan to pinaabig to ra, tan inlaban to rad lobuk.

Saray Salmo 33:9

Nen nansalita, apalsay mundo; nen nangganggan, linmesay amin a bengatla.

Saray Bilang 20:8

“Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.”

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Mateo 3:14

Ag labay komun a binyagan nen Juan, kanyan inkuantod kinen Jesus, “Anta siak komuy nepeg a binyagan mo, linma ka dian pabinyagan ed siak?”

Mateo 8:3

Inyonat nen Jesus so lima to, diniwit to tan inmebat, “Labay ko. Abig ka la!” Inmabig a tampol imay toon akating.

Mateo 8:7

“Laen kon paabigen,” kuanen Jesus.

Mateo 8:9

Ta sakey ak met a walad silong na pakaoley na arum a totoo, tan wala met iray sondalo ed silong na pakaoley ko. Kanyan no kuankod sakey, ‘Laka!’ onla; no kuankod sananey, ‘Gala!’ ondago. No iganggan kod aripen ko, ‘Gawam ya!’ gawaen to.”

Lucas 15:19

Ibagak nin ag ak la manepeg a tawagen day anak, tan kerewen ko ya anggan ibilang da ak lan sakey ed saray katulong da.’

Lucas 15:21

‘Ama,’ kuanen anak, ‘nankasalanan ak ed Dios tan diad sikayo. Ag ak la manepeg a tawagen yon anak yo.’

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

Juan 1:27

Ontombuk ya onsalat ed siak, balet ag ak manepeg a mangokbar na anggan bariber na sandalya to.”