Mateo 8:4 - Maung A Balita Biblia

⁴ Insan binilin nen Jesus, “Ag mo yan balut ibabalitad anggan siopa. Lakad pari tan panengneng ka, insan ka mangibagat onung ed Ganggan nen Moises, pian napaneknekan ed balang sakey ya inmabig ka la.”

Maung a Balita Biblia

⁴ Insan binilin nen Jesus, Ag mo yan balut ibabalitad anggan siopa. Lakad pari tan panengneng ka, insan ka mangibagat onung ed Ganggan nen Moises, pian napaneknekan ed balang sakey ya inmabig ka la.

Mateo 8:4 Iomraidhean Croise

Isaias 42:21

Say Katawan a Dios et mampilalek a mangilaban, kanyan itanduro to ray ganggan tan saray bangat to, tan labay to ya onuren ira na saray totoo to.

Levitico 13:49

no birdian odino balangaan so kolor to, boot yan onkayat tan nepeg ya ipanengneng ed pari.

Mateo 10:18

Lapud itombuk yod siak, salaysayen da kayod arap na saray arari tan arum ni ran manoley, pian napaneknekan yod sikara ran saray Hintil so Maung a Balita.

Mateo 16:20

Insan impurek nen Jesus ed saray disipulo to ya ag da ibabagad siopaman a sikato so Cristo.

Mateo 17:9

Nen onlalasur iran nanlapud palandey binilin ira nen Jesus, “Ag yo ibabalitad siopaman yan naimatunan yo, anggad ag ni inmolid bilay so Anak na Too.”

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

Mateo 5:17

“Ag yo iisipen a linma ak dian manderal na Ganggan nen Moises tan saray bangat da ray propita. Linma ak dia, aliwan lapud panderal ko, no ag ingen lapud pangipaliwawak tan panumpal kod saraya.

Mateo 6:1

“Manalwar kayo, ta ompan ipanta yod saray totoo so panggagawa yoy kaabigan. No ontay gawaen yo, anggapoy naalagar yon tumang a manlapud Ama yon walad tawen.

Mateo 9:30

Diad saman a bekta, makanengneng la ra. Binilin to ran maung, “Ag yo ya ibabaga ed anggan siopa.”

Marcos 13:9

“Manalwar kayo! Ta erelen da kayo tan akusaen da kayo ed korti. Leweten da kayo ed saray sinagoga; iyarap da kayo ed saray manoley tan arari nisesengeg ed siak, pian napaneknekan yod sikara so Maung a Balita.

Marcos 3:12

Binilibilin to ra may maoges ya ispiritu ya ag dan balut ibabaga no siopa si Jesus.

Marcos 5:43

Impurpurek nen Jesus ya anggapoy pangibagaan dan balut na sayan agawa. Insan kuanto, “Itdan yoy kanen to.”

Marcos 6:11

No onsabi kayod pasen ya anggapoy toon mangawat o ondengel ed sikayo, taynan kid man tan pokpok yoy dabuk ed saray sali yo, a tanda na maoges a ginawa ra.”

Marcos 7:36

Binilin nen Jesus iray totoon ag da ya totongtongen ed siopaman, balet no panoy impangisebel to ed sikara, diman linmoor so impangibawag da.

Marcos 8:30

Insan to ra binilin, “Ag yo ibabagad siopaman no siopa ak.”

Marcos 9:9

Nen onlalasur iran nanlapud palandey, binilin ira nen Jesus ya ag dan balut ibabalita so anengneng da, anggad ag ni inmolid bilay so Anak na Too.

Lucas 17:14

Nen anengneng nen Jesus ira inkuanto, “Laka yon mampanengneng ed saray papari.” Leleg dan oonla, inmabig ira.

Lucas 21:13

Sikato yay pankanawnawa yon mantasid siak.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, “Sikay Anak na Dios!” Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Lucas 5:14

Binilin nen Jesus, “Ag mo yan balut ibabalitad anggan siopa. Lakad pari tan panengneng ka, insan ka mangibagat onung ed Ganggan nen Moises, pian napaneknekan ed balang sakey ya inmabig ka la.”

Lucas 8:56

Mankelaw iray atateng to, balet impurek nen Jesus ya anggapon balut so pangibagaan dad sayan agawa.

Lucas 9:21

Binilin ira nen Jesus ya ag da yan balut ibabaga ed anggan siopa.

Juan 5:41

“Ag ko aanapey pangigalang na totoo ed siak.

Juan 7:18

Say toon manlapud sikaton diliy bangat to, say kitanduro toy aanapen to. Say mananap balet na pakagalangay angibakid sikato, matwa tan matonung.

Juan 8:50

Siak ag ko aanapey kitandurok. Walay manaanap yan para siak tan sikato naaniy manintinsia.