Mateo 8:34 - Maung A Balita Biblia

³⁴ Kanyan linma ray amin ya ombaley a mangabet ed kinen Jesus. Nen anengneng da, kinerew dad sikaton ontaynan lad lugar da.

Maung a Balita Biblia

³⁴ Kanyan linma ray amin ya ombaley a mangabet ed kinen Jesus. Nen anengneng da, kinerew dad sikaton ontaynan lad lugar da.

Mateo 8:34 Iomraidhean Croise

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

1 Saray Arari 18:17

Nen anengneng nen Acab si Elias, inkuanto, “A, wadya ka manaya, sikan managgunigon ed Israel!”

Say Libro nen Job 21:14

Saray totoon maoges ibaga rad Dios a paolyan to ran bukbukor; ag da labay ya amtaen so linawa tod bilay da.

Say Libro nen Job 22:17

Sikara yay totoon angipolisay ed Dios tan inisip dan anggapoy nagawaan tod sikara.

Amos 7:12

Insan inkuanen Amasias ed kinen Amos, “Tonda ka la, propita! Pawil ka lad Juda tan diman ka la mampulong. Pabayaran kad sikarad man ed pampulong mo.

Mateo 8:29

Inmeyaeyag iran tampol, “Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?”

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

Lucas 8:28

Nen anengneng toy Jesus, inmingal, dinmakmomod arap to, tan inkuanton makmaksil, “Jesus, Anak na Sankatageyan a Dios! Antoy pibabalim ed siak? Pikasik ed sikan ag mo ak papairapen!”

Saray Gawgawa 16:39

Kanyan linma ra, tan akikerew iray pirdonad sikara. Impaway da rad prisowan, insan da kinerew ya ontaynan la ra.

Deuteronomio 5:25

Balet akin et iposta mi lamet so bilay mi? Pateyen to kami man ya apoy. Andi-duaruwan ompatey kami no narengel min mansalita lamet so Katawan a Dios tayo.

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”