Mateo 8:2 - Maung A Balita Biblia

² Linmad sikatoy sakey a toon akating, tinmalimukor ed arap nen Jesus tan inkuanto, “Katawan, no labay mo, nayarian mo ak a paabigen.”

Maung a Balita Biblia

² Linmad sikatoy sakey a toon akating, tinmalimukor ed arap nen Jesus tan inkuanto, Katawan, no labay mo, nayarian mo ak a paabigen.

Mateo 8:2 Iomraidhean Croise

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

2 Saray Arari 15:5

Impansakit na Katawan si Uzias na kating tan nansiansia yad sikato legan to nin nambilay. Nibiig so nanayaman ton abung, asoblayan ed saray kimey to, tan si Jotam ya anak ton laki so nanoley ed bansa.

2 Saray Arari 5:1

Say ari na Siria bibirbiren ton matalonggaring si Naaman a pangulo na saray sondalon Siriano, ta diad panamegley to impanalo na Katawan iray sondalo na Siria. Matalonggaring ya opisyal si Naaman, balet akating.

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

Saray Bilang 12:10

Et nen tinmaynan ed Tulda imay lorem, biglan alingbus na kating si Miriam tan nagmaliw ya ampotipotin maung. Nen anengneng nen Aaron ya akating si Miriam,

Mateo 10:8

Paabig yo ray mansasakit tan pabilay yo ray inaatey. Paabig yo met iray akating tan paekal yo ray dimonyo. Angawat kayon anggapoy bayar, kanyan mangiter kayo met ya anggapoy bayar.

Mateo 13:58

Ag to nanggaway dakel a milagrod man lapud anggapoy pananisia ra.

Mateo 14:33

Inggalang na saramay walad baloto si Jesus tan kuanda, “Tua a sikay Anak na Dios!”

Mateo 15:25

Balet nantalimukor imay biid arap nen Jesus tan kuanto, “Tulongan mo ak kari, Katawan.”

Mateo 18:26

Nantalimukor imay aripen ed arap na ari tan akikasi, ‘Mananos ka karid siak, ta bayaran kon bayaray amin ya utang kod sika!’

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Mateo 20:20

Sinmingger ed kinen Jesus so asawa nen Zebedeo a kaiba to ray anak ton lalaki. Nantalimukor ed arap nen Jesus tan walay kekerewen to.

Mateo 26:6

Nen si Jesus et walad abung nen Simon ya akating, diad Betania,

Mateo 28:17

Nen anengneng day Jesus inggalang da, anggaman a wala ni ray manduaruwad sikara.

Mateo 28:9

Kabebekta inabet nen Jesus ira tan inkuanto, “Say kareenan komuy walad sikayo!” Sinmingger irad sikato, inegnaan da ray sali to tan inggalang da.

Mateo 4:9

“Iter kod sika ra yan amin,” kuay Diablo, “no ondakmomo ka tan mangigalang kad siak.”

Mateo 8:1

Linmeksab si Jesus a nanlapud nipokdul a pasen tan tinombuk na amayamay a totoo.

Mateo 8:25

Saray disipulo nila ran binangon tan inkuanda, “Ilaban mo kami, Katawan, ta onlelereg itayo la!”

Mateo 9:18

Nen peles nen Jesus ya ibabaga ra ya, sinmabiy sakey a Judion opisyal. Tinmalimukor ya angigalang ed arap nen Jesus tan inkuanto, “Kapatepatey na anak kon bii. Balet mila kad siak, itapew moy limam ed sikato, pian nabilay.”

Lucas 4:27

Ontan met amayamay iray akating ed Israel nen panaon nen propita Eliseo, balet anggapoy inmabig ed sikara. Si Naaman labat a taga Siria so inmabig.”

Juan 9:38

“Manisia ak, Katawan!” kuanto may laki tan inggalang toy Jesus.

Saray Gawgawa 10:14

Inmebat si Pedro, “Ag ko nayarian a gawaen itan, Katawan! Ag ko nin balut angan na antokaman a marotak o ag nepeg a kanen onung ed ganggan.”

Saray Gawgawa 10:25

Kasabi nen Pedro, inabet nen Cornelio, nandakmomod saliyan nen Pedro tan inggalang to.

1 CORINTO 14:25

tan naamtaan to ray iyaamut na puso to. Kanyan ondakmomo, igalang toy Dios, tan ikuanto, “Tuan wadyay Dios ed pegley yo!”

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.