Mateo 8:16 - Maung A Balita Biblia

¹⁶ Nen labi la, inyakar na saray totoo ed kinen Jesus iray dakerakel ya inaponan na saray dimonyo. Pinapaekal to ray dimonyo diad sakey labat a salita to, tan pinapaabig ton amin iray mansasakit.

Maung a Balita Biblia

¹⁶ Nen labi la, inyakar na saray totoo ed kinen Jesus iray dakerakel ya inaponan na saray dimonyo. Pinapaekal to ray dimonyo diad sakey labat a salita to, tan pinapaabig ton amin iray mansasakit.

Mateo 8:16 Iomraidhean Croise

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Mateo 12:22

Inyakar dad kinen Jesus so sakey a lakin bulag tan ag makasalita lapud inaponay dimonyo. Pinaabig nen Jesus, kanyan makanengneng tan makatongtong la.

Mateo 14:14

Sinmakbit si Jesus ed gilig na danum. Nen anengneng toy amayamay a totoo, akasian to ra tan pinaabig to ray mansasakit ya awit da.

Mateo 8:15

Binembenan nen Jesus so lima to, et nakal so petang to. Binmangon tan sinirbian toy Jesus.

Mateo 8:33

Binmabatik ira may mankokomponi na saray baboy, tan kasabi rad baley, imbabalita ra so amin ya agawa. Imbabalita ra met no antoy nagmaliwan da ra may duaran inaponay dimonyo.

Mateo 9:2

Walay sakey a lakin paralitiko a nilibit na pigaran totoo ed dokulan to tan inyakar dad kinen Jesus. Anengneng nen Jesus so pananisia ra, kanyan inkuantod samay paralitiko, “Pakpel moy linawam, anak ko! Apirdona la ray kasalanan mo!”

Marcos 2:3

wala ray sinmabin totoo. Kaiba ray sakey a paralitikon nilibit na apatiran totoo.

Marcos 5:8

(Imbaga to ya lapud inkuanen Jesus ed sikato, “Maoges ya ispiritu, ekal kad sayan too!”)

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Lucas 13:12

Nen anengneng nen Jesus, tinawag to tan inkuanto, “Inmabig ka lad liliknaen mo!”

Lucas 4:40

Kaselek na agew, amin iray manliliknay anggan anton sakit inyaakar na saray kakaaro ra ed kinen Jesus. Intatapew toy lima tod balang sakey ed sikara, tan pinapaabig to ran amin.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, “Sikay Anak na Dios!” Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Saray Gawgawa 5:15

Lapud gagawaen da ray apostol, saray totoo impaparokul dad saray dalagan tan ikamen iray mansasakit tan inyaakar da rad daladalan, pian saray arum ed sikara et naaninoan labat nen Pedro no onlabas.