Mateo 7:22 - Maung A Balita Biblia

²² No onsabiy Agew na Okum, dakerakel iray mangibagad siak na: ‘Katawan, Katawan! Diad ngaran mo nampupulong kami, pinapaekal mi ray dimonyo tan nanggagawa kami ray milagro!’

Maung a Balita Biblia

²² No onsabiy Agew na Okum, dakerakel iray mangibagad siak na: Katawan, Katawan! Diad ngaran mo nampupulong kami, pinapaekal mi ray dimonyo tan nanggagawa kami ray milagro!

Mateo 7:22 Iomraidhean Croise

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Saray Bilang 24:4

A narerengel to so ibabaga na Dios, Alukbok ak lapud inloob na ispiritu ed siak, Balet siansian lokas iray matak tan anengneng ko So pasingayew na Dios a Makapanyarin-amin.

Saray Bilang 31:8

pati saray limaran ari na Madian a di Evi, Rekem, Zur, Hur, tan Reba. Pinatey da met si Balaam a lakin anak nen Beor.

Mateo 10:15

Tandaan yo ya! Diad Agew na Okum, anlemew ni so dusa da ray taga Sodoma tan Gomorra nen saray taga satan a baley!”

Mateo 24:36

“Balet anggapoy mikabat no kapigay isabi na sayan agew o oras. Ag kabat na saray anghil ed odino say anggan say Anak. Say Ama labat so mikabat.

Mateo 25:11

“Insan sinmabi ra may kulang na kalakal tan inkuanda, ‘Katawan, katawan, lokasan mo kami pa!’

Mateo 7:21

“Aliwan amin da ray ontawag ed siak na ‘Katawan, Katawan,’ so makaloob ed Panariay tawen, no ag labat saray manumpal ed linaway Amak a walad tawen.

Lucas 10:12

Kuankod sikayo a no Agew na Okum, lalon anlemew so dusa na baley na Sodoma nen sayan baley!”

Juan 11:51

(Ag to ya inkuan a nanlapud nunot ton dili. Lapud sikatoy Pangulon Pari ed saman a taon, impasakbay ton ompatey si Jesus para saray Judio.

1 TESALONICA 5:4

Balet sikayo, agagi, aliwa kayon walad bilonget, kanyan diad satan ya Agew, ag yo nepeg so nabiglaan a singa kabiglaad matakew.

2 TESALONICA 1:10

Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

2 Timoteo 1:18

Iyabuloy komun na Katawan a diad saman ya Agew, nagamuran toy panangasi na Katawan. Kabkabat mon maung no panoy impanlingkur tod siak ed Efeso.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.