Mateo 7:2 - Maung A Balita Biblia

² Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Maung a Balita Biblia

² Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Mateo 7:2 Iomraidhean Croise

2 Samuel 21:5

Inmebat ira, “Ginetma nen Saul ya oputen kami, pian anggapo lay nakeraan ed sikamin mambilay ed dalin na Israel.

Saray Salmo 109:17

Nilabay toy mangisamba kanyan nisamba met komun! Kabosul toy mamindision kanyan anggapo met komuy mamindision ed sikato!

Exodo 21:24

say mata bayaran na mata, say ngipen bayaran na ngipen, say lima bayaran na lima, say sali bayaran na sali,

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 51:24

Say Katawan kuanto, “Naimatunan yoy paningil kod Babilonia tan saray totoo to, lapud amin a kaogsan a ginagawa ra ed Jerusalem.

Obadias 1:15

“Asingger lay agew a siak a Katawan et sintinsiaan ko ray amin a bansa. Edom, no antoy ginawam, ontan met so nagawad sika. No antoy intanem mo, sikatoy anien mo.

Mateo 6:14

“Ta no pirdonaen yo ray mankakasalanan ed sikayo, pirdonaen ki met na Ama yon walad tawen.

Marcos 4:24

Insan inkuantod sikara, “Talusan yon maung so narerengel yo. No panoy panukat yod arum a totoo, ontan met so panukat na Dios ed sikayo—lalon mapeget ni ingen.

Lucas 6:38

Mangiter kayod kapara yon too, pian mangiter met so Dios ed sikayo. Say iter na Dios ed sikayo et singa salup a pinatuk, pinerper tan mantampuwag. Ta no panoy panukat yod arum a too, ontan met so panukat na Dios ed sikayo.”

2 CORINTO 9:6

Tandaan yo ya: say toon mantanem na daiset manani met na daiset; tan say toon mantanem na dakel manani met na dakel.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Puyan 18:6

Gawa yo met ed sikatoy ginawa tod sikayo; bales yo na mamidwad karakel so ginagawa to. Pano yoy kupa to na iinomen a mamidway kinabiskeg to ed samay impainom tod sikayo.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Saray Huis 5:27

Nipatalimukor si Sisara, insan atumbad saliyan nen Jael. Diad saliyan nen Jael kinmapoy si Sisara; nipatalimukor, tan alokbub; alokbub ed dalin, insan inatey.

1 Samuel 15:33

Inkuanen Samuel, “Say ispadam impagmaliw ton anggapoy anak iray amayamay ya ina; ontan met a magmaliw ya anggapoy anak so inam.” Insan tinartar toy Agag diad arap na altar ed Gilgal.