Mateo 7:1 - Maung A Balita Biblia

¹ “Ag yo sisintinsiaay kapara yon too, pian ag ki met sintinsiaay Dios.

Maung a Balita Biblia

¹ Ag yo sisintinsiaay kapara yon too, pian ag ki met sintinsiaay Dios.

Mateo 7:1 Iomraidhean Croise

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Mateo 7:5

Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.

Lucas 6:37

“Ag yo sisintinsiaay kapara yon too, pian ag kayo met sintinsiaay Dios. Ag yo dudusaey kapara yon too, pian ag kayo met dusaey Dios. Pirdona yoy kapara yon too, pian pirdonaen kayo met na Dios.

Lucas 6:41

“Akin et imanoen moy mokat ed matay agim, balet et ag mo naimanoy troson wadtad dilin matam?

Juan 8:7

Nen intuloy dan tepetan lan tepetan si Jesus, tinmangwa tan kuantod sikara, “Siopaman ed sikayoy anggapoy kasalanan, sikatoy ononan manupak ed sikato.”

Santiago 3:1

Agagik, ag nepeg a magmaliw a bumabangat iray karaklan ed sikayo, bangta amta yon sikami ran bumabangat et mapeget so panintinsiad sikami nen saray arum.