Mateo 6:6 - Maung A Balita Biblia

⁶ No mampikasi ka, loob kad kuartom tan ikaput moy puirta, insan ka mampikasi ed Amam ya ag nanengneng. Say Amam a makakanengneng na gagawaen mod maamut so mangiter ed sika na tumang.

Maung a Balita Biblia

⁶ No mampikasi ka, loob kad kuartom tan ikaput moy puirta, insan ka mampikasi ed Amam ya ag nanengneng. Say Amam a makakanengneng na gagawaen mod maamut so mangiter ed sika na tumang.

Mateo 6:6 Iomraidhean Croise

2 Saray Arari 4:33

Inkaput toy puirta tan nampikasid Katawan.

Saray Salmo 34:15

Say Katawan iimanoen to ray matonung, tan dedengelen to ray tawag da;

Probirbio 25:22

Diad kababaingan to singa ipapaagtom so ngalab ed olo to, et tumangan ka na Katawan.

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Isaias 65:24

Anggan ag ni ra asumpal a mampipikasi ed siak, ebatan ko la ray pikakasi ra.

Mateo 14:23

Nen apasiput to la ray totoo, linmad nipokdul a pasen tan nampikasi. Nen asabiy labi, bukbukor nen Jesus diman.

Mateo 6:18

pian ag naamtaay totoo so panaayunom; say Amam labat ya ag nanengneng so makaamta. Say Amam a makanenengneng ed sika ed maamut et tumangan to ka.

Mateo 6:4

Gawam yan anggapoy makaamta, tan say Amam a makakanengneng na gagawaen mod maamut so mangiter na tumang ed sika.”

Juan 1:48

“Panoy pakapikabat mod siak,” tepet nen Nataniel. Inmebat si Jesus, “Anengneng ta kad silong na kiew ya igos, kasakbayan a tinawag ka nen Felipe.”

Juan 20:17

“Ag mo ak bebembenan,” kuanen Jesus ed sikato, “ta ag ak ni inmatagey a linmad Ama. Onla ka ingen ed saray agagik a lalaki tan ibagam ed sikara a kuanko, ‘Onatagey ak ya onlad Amak tan Ama yo, Dios ko tan Dios yo.’”

Saray Gawgawa 10:30

Inkuanen Cornelio, “Apat agew lay linmabas. Nen singa onyan oras na alas tris ed ngarem, mampipikasi ak ed abung ko. Kabebekta, nanalagey ed arap ko so sakey a lakin masilesileng so kawes to

Saray Gawgawa 10:9

Kaimbuas, nen asingger lad Jope ra may imbaki nen Cornelio, si Pedro et linmad toktok na abung a mampikasi nen ngalngali la alas dosid kaagewan.

Saray Gawgawa 9:40

Pinapaway nen Pedro ran amin, insan nantalimukor a nampikasi. Inarap to may bangkay, insan inkuanto, “Tabita, bangon ka!” Minmorikat, et nen anengneng toy Pedro, inmirung.

Saray Taga Roma 8:5

Ta saray totoon mambibilay onung ed inkanatural na too nanaoleyan so kanunotan da na saray bengatlan onung ed inkanatural na too. Balet saray mambibilay onung ed panangiwanwan na Ispiritu, nanaoleyan so kanunotan da na saray bengatlan onung ed Ispiritu.

TAGA-EFESO 3:14

Lapud saya, ontatalimukor ak ed arap na Ama