Mateo 5:8 - Maung A Balita Biblia

⁸ “Maliket iray malinis so puso ra, ta napinengnengan day Dios!

Maung a Balita Biblia

⁸ Maliket iray malinis so puso ra, ta napinengnengan day Dios!

Mateo 5:8 Iomraidhean Croise

Genesis 32:30

Inkuanen Jacob, “Anengneng koy Dios ed lupa-lupaan, et mabilay ak ni”; kanyan inngaran toy Peniel iman a pasen.

2 Samuel 22:27

Malinis so ipapatnag mod saray malinis so panagbilay da, balet mapasnuk kad saray maoges so panagbilay da.

Saray Salmo 15:2

Say toon oonuren toy Dios, tan kamaungan lawas so gagawaen to, tua tan napanmatalkan iray salita to,

Saray Salmo 18:26

Malinis so ipapatnag mod saray malinis so panagbilay da, balet mapasnuk kad saray maoges so panagbilay da.

Saray Salmo 24:4

Saray totoon malinis so gawa ra tan say kanunotan da, ag ira mangigagalang ed saray diriyos, tan ag da isisipan so ag da nagawaan.

Saray Salmo 51:10

O Dios, gawam pan malinis so pusok; itdan mo ak pay balo tan matoor ya ispiritu.

Saray Salmo 51:6

Say matoor a puso so pampipilalekan mo; panom pa na kakabatan mo so kanunotan ko.

Saray Salmo 73:1

Peteg a say Dios maung so ipapanengneng tod Israel, diad saray malinis so puso ra.

Probirbio 22:11

No inarom so malinis a puso tan maolimek a panagsalita, nakaarom so ari.

Saray Gawgawa 15:9

Namparay pangipapasen na Dios ed sikara tan sikatayo. Nilinisan to ray puso ra lapud anisia ra.

1 CORINTO 13:12

Say nanenengneng tayo natan et singa burarog a lupa ed salming; balet onsabiy agew a nanengneng tayo ed lupa-lupaan. Daiset niy amtak natan, balet onsabiy agew a magmaliw ya ayadyari so pakaamtak, a singa ayadyarin pakapikabat na Dios ed siak.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

Tito 1:15

Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

Puyan 22:4

Nanengneng day lupa to, tan nisulat ed muling da so ngaran to.