Mateo 5:4 - Maung A Balita Biblia

⁴ “Maliket iray maneermen, ta ligliwaen iray Dios!

Maung a Balita Biblia

⁴ Maliket iray maneermen, ta ligliwaen iray Dios!

Mateo 5:4 Iomraidhean Croise

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 25:8

Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.

Isaias 30:19

Ag kayo la onakis, sikayo ran totoon manaayam ed Jerusalem. Mapangasi so Katawan, et no onkerew kayod sikato na tulong, ebatan to kayo.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 57:18

“Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 66:10

Miliket kayod Jerusalem; manggayaga kayo para sikato, amin yon mangaaro ed sayan siudad. Miliket kayo natan ed sikato, amin yo a nanermen lapud sikato!

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Lucas 6:21

“Maliket kayon narasan natan, ta napesel kayo! Maliket kayon mannangis natan, ta napaliket kayo!

Lucas 6:25

“Pakaskasi ki la, sikayon napepesel natan, ta naerasan kayo! Pakaskasi ki la, sikayon maneelek natan, ta onermen tan onakis kayo!

Lucas 7:38

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

Lucas 7:50

Balet inkuanen Jesus ed samay bii, “Say pananisiam so angilaban ed sika. Laka la, tan pakpel moy linawam.”

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Puyan 21:4

Ponasen ton amin iray luad mata ra. Anggapo lay patey, ermen, akis, tan sakit; naandipat la ray gendat a bengatla.”