Mateo 5:22 - Maung A Balita Biblia

²² Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, ‘Ambagel ka!’ nayarin onlad apoy na impirno.

Maung a Balita Biblia

²² Balet ibagak ed sikayo natan: siopamay mampasnuk ed agi to, nayarin walay ebatan tod huis. Siopamay mamabaing ed agi to, nayarin walay ebatan tod Sanidrin. Siopamay mangikuan ed agi to, Ambagel ka! nayarin onlad apoy na impirno.

Mateo 5:22 Iomraidhean Croise

Genesis 37:4

Nen anengneng na saray agagi nen Jose ya inaro ni nen Jacob ya ama ra nen say sikara, aliwa-liway pitotongtong dad sikato lapud kabkabosul da.

Genesis 37:8

“Anto? Abaloan mo sirin manari kad sikami?” tepet na saray agagi to. Kanyan lalon binosul da, lapud saray imbagbaga ton nipaakar ed kogip to.

2 Samuel 16:7

Insamba nen Simei tan kuanto, “Taynan ka dia! Taynan ka dia! Managpatey na too! Kriminal!

2 Samuel 6:20

Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

1 Saray Arari 21:4

Agunigon tan akapasnuk a sinmempet ed abung si Acab lapud samay imbaga nen Nabot ed sikato. Dinmokul ed katri to, inarap toy padir, tan ag mangan.

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

2 Saray Awaran 19:5

Anoro na saray huis ed balang aliber na padir a siudad na Juda

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

Saray Salmo 109:3

tan maoges iray ibabaga ra nipaakar ed siak; dodogpaan da ak ya anggan anggapoy makasengeg.

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

Saray Salmo 25:3

Ag nabaingan iray manmamatalek ed sika, no ag ingen saray bengatbengat ya onsusumpad sika.

Saray Salmo 35:19

Ag mo iyaabuloy a saray kalaban ko, saraman a matitila, et elek-elekan day inkatalok; Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Saray Salmo 37:8

Ag ka mapaspasnuk o mapagpaga; gunigon labat so pansumpalan to.

Saray Salmo 49:10

Nanenengneng na anggan siopa ya ompapatey met iray totoon makabat, saray luko-luko tan saray makulang-kulang, tan ititilak dad saray kabyangay boleg da iray kayamanan da.

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Saray Salmo 92:6

Say makulang-kulang ag to natalusan tan say ambagel ag to natebek

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

Probirbio 18:6

No igapo la na sakey a toon makulang-kulang so sangsangan, onkekerew na pakalewetan to.

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Saray Tagleey 3:52

“Singa ak manok ya apatitan na saray kalaban kon mamobosul ed siak anggaman ya anggapoy makasengeg.

Daniel 3:13

Lapud saman mapalaloy impetang na olo na ari, et ingganggan ton iyarap ed sikato ira may taloran lalaki.

Daniel 3:19

Insan mapalaloy impetang na olo nen Nabucodonosor tan binmilonget so lupa tod pasnuk tod kindi Sadrac, Mesac, tan Abednego. Kanyan ingganggan tod saray totoo to a papetangen dan mamimpito so palbaan.

Obadias 1:10

“Lapud tinakewan tan pinapatey yo ray agagi yon kabyangay boleg nen Jacob, napelag kayod kababaingan tan napaandi kayon anggad angga.

Obadias 1:12

Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Mateo 10:17

Manalwar kayo, ta wala ray totoon mangerel tan mangidalem ed sikayod korti. Siplatan da kayod saray sinagoga ra.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Mateo 12:24

Balet nen nadngel ya na saray Pariseo inkuanda, “Napapaekal to ray dimonyo lapud si Beelzebul a prinsipi na saray dimonyo et initdan toy pakayari.”

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, “Sikato yay inararok ya Anak a pakaliliketan ko—dengel kayod sikato!”

Mateo 18:21

Sinmingger ed satan si Pedro ed kinen Jesus tan tinepet to, “Katawan, mamimpigan pirdonaen koy agik ed pankasalanan tod siak? Mamimpito?”

Mateo 18:35

“Ontan met so gawaey Amak ed tawen ed sikayo, no ag yo pirdonaen ed intiron puso yo so agi yo.”

Mateo 23:15

“Pakaskasi ki la, sikayon iskriba tan sikayon Pariseo! Mansimpisimpitan a totoo! Babaliwen yo ray dayat tan bebeltangen yo ray bansa pian naayat yo labat so sakey a Hintil ed pananisia yon Judio. Balet no naayat yo la, doblien yoy kanepegan ton onlad impirno, a singa sikayo met!

Mateo 23:33

Ooleg tan anak na ooleg kayo! Panon yon naliktaray dusa ed impirno?

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Mateo 26:59

Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da.

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Mateo 5:34

Ibagak balet ed sikayo natan: ag kayo mansasamban balut! Ag yo pansasambaay tawen, ta trono na Dios;

Mateo 5:44

Balet ibagak ed sikayo natan: Aro yo ray kalaban yo tan pikasi yo ray mamapairap ed sikayo,

Marcos 14:55

Ginawa na saray manonan papari tan amin a kabyangay Sanidrin so anggaay nayarian da a mananap na ipakasalanan dad kinen Jesus, pian napapatey da. Balet anggapoy narumog da.

Marcos 15:1

Kasabiy kabwasan, nantitipon a namplano ray manonan papari, saray mamatakken na baley, saray iskriba, tan saray arum ni ran kabyangay Sanidrin. Binalur day Jesus, insan da inyakar ed kinen Pilato.

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Lucas 22:66

Kasabiy kabwasan, nantitipon iray kabyangay Sanidrin: saray mamatakken na baley, saray manonan papari, tan saray iskriba, tan inyarap day Jesus ed sikara.

Juan 11:47

Kanyan akitongtongan na saray manonan papari tan saray Pariseo ray kabyangay Sanidrin. “Antoy gawaen tayo?” kuanda. “Dakel so milagron gagawaen to man a too.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Juan 7:20

Inmebat iray karaklan, “Inaponan kay dimonyo! Siopa tay malabay a mamatey ed sika a?”

Juan 8:48

Inmebat iray Judio ed kinen Jesus, “Ag kasi tuay ibabaga min Samaritano ka, tan inaponan kay dimonyo?”

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 22:30

Labay to may kapitan a naamtaan no anton talagay angakusaan da ray Judio ed kinen Pablo. Kanyan kaimbuas, impaokbaran to tan ingganggan to a mantitipon iray manonan papari tan amin da ray arum a kabyangay Sanidrin. Insan to inyakar si Pablo tan pinaalagey tod arap da.

Saray Gawgawa 23:1

Ninengneng a maung nen Pablo ra, insan inkuanto, “Agagi! Malinis so konsinsiak a mambibilay ed arap na Dios, anggad sayan agew.”

Saray Gawgawa 24:20

Odino andi, ibaga komun na saray totoon wadya no antoy kasalanan a nalmo rad siak nen inmarap ak ed Sanidrin.

Saray Gawgawa 4:15

Kanyan pinapaway da ni ra, insan ira nansisingbatan.

Saray Gawgawa 5:21

Tinmoluk ira may apostol kanyan diad kabkabwasan, linmoob irad Timplo tan ginapoan day nambangat. Samay Pangulon Pari tan saramay kakaiba to tinawag da ray mamatakken a Judio, ta manmiting so intiron Sanidrin. Insan da impatawag ya onarap ed sikara ira may apostol.

Saray Gawgawa 5:27

Pinaloob da ra may apostol tan inyarap da rad Sanidrin, tan tinepetan iray Pangulon Pari.

Saray Gawgawa 6:12

Lapud saya, atanggoyur a nampasnuk ed kinen Esteban iray totoo, saray mamatakken na baley, tan saray iskriba. Nila ray Esteban, inerel da, insan da inyarap ed Sanidrin.

Saray Gawgawa 6:15

Amin ya akayorung ed Sanidrin ninengneng dan maung si Esteban, et anengneng dan singa lupay anghil so lupa to.

Saray Gawgawa 7:37

Sikato ni ya may Moises a nankuan ed saray Israelita, ‘Mamiliy Dios na sakey ed sikayo tan gawaen ton propita a singa siak.’

Saray Taga Roma 12:10

Manaarowan kayo na malet, a singa dilin sanaagi; manoonaan kayo ed pangiter na dayew ed sakey tan sakey.

1 CORINTO 6:10

saray matakew, saray managlames, saray buanges, saray managpabaing, tan saray maagom—anggapod sarayan totoo so makatawir ed Panarian na Dios.

1 CORINTO 6:6

Akin et say sakey ya agi irimanda toy sakey ya agi, anta saray huis yo ni met et aliwa ran mananisia?

Deuteronomio 15:11

Wala lawas so pigaran Israelita a mairap so bilay da tan wala rad pankaukolan, kanyan igaganggan ta kayon nepeg a mabonluk so panangiter yod sikara.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Tito 3:2

Ibagam ed sikaran ag ira mansasalitad siopaman na maoges, no ag ingen nepeg ya aliwa ran makolkol, maoyamo ra, tan maung lawas so pipiolup dad kapara ran too.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Saray Hebreo 5:9

Nen agawa lan nagnap, nagmaliw ya andi-anggaan a Manangilaban na amin da ray mangoonur ed sikato,

Santiago 2:20

Labay mo nin paneknekan kod sika, makulang-kulang, ya andi-kakanaan so pananisian anggapoy katekep to ran gawa?

Santiago 3:6

Ontan met a say dila et singa apoy. Sakey a mundoy kaogsan, walay pasen tod laman tayo, tan mangikakayat na kaogsan ed intiron inkatoo tayo! Say apoy to nanlapud dilin impirno tan manangigapoy pool ed intiron bilay na too.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

1 Pedro 3:9

Ag yo ibabales so maoges ed saray manggagaway kaogsan ed sikayo. Ag yo aayewey mangaayew ed sikayo, no ag ingen panggawaan yoy kamaungan, ta atawag kayo a mangawat na bindisioy Dios.

1 Juan 2:9

Siopamay mangibabaga a sikatoy walad silew, balet et bobosulen toy agi to, wala nid kabilongetan anggad sayan bekta.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.

Judas 1:9

Anggan si Miguel ya Arkanghil, nen akisingbatan ed kinen Diablo nipaakar ed bangkay nen Moises, ag to nitepel a sintinsiaan so Diablo na ansakit iran salita. Inkuanto, “Pampasnukan kay Katawan!”

Puyan 20:14

Insan nibantak ed dayat ya apoy so patey tan say Hadis. (Sayan dayat ya apoy so kumadwan patey.)