Mateo 4:4 - Maung A Balita Biblia

⁴ Inmebat si Jesus, “Onya so ibabagay Masanton Sulat: ‘Aliwa labat a tinapay so pambilay na too, no ag pati amin a salitan ibabalikas na Dios.’”

Maung a Balita Biblia

⁴ Inmebat si Jesus, Onya so ibabagay Masanton Sulat: Aliwa labat a tinapay so pambilay na too, no ag pati amin a salitan ibabalikas na Dios.

Mateo 4:4 Iomraidhean Croise

Exodo 16:15

Nen anengneng ira na saray Israelita, ag da amta no anto ra man kanyan nantetepetan ira, “Anto ya?” Si Moises kuantod sikara, “Sikato yay kanen yo ya inter na Katawan.

Exodo 16:35

Saray Israelita nantagano ra na mana ed loob na apataploy taon, ya anggad asabi ray dalin na Canaan a dimay nanayaman da. (

Exodo 16:8

Insan inkuanen Moises, “Diad labi say Katawan so mangiter ed sikayo na karnin kanen yo tan diad kabwasan, say tinapay ya anggan anto lay karakel na labay yo, lapud nadngel to no panoy impanriklamo yo sumpad sikato. Say katwaan to, no manriklamo kayo sumpad sikami manririklamo kayo sumpad Katawan.”

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Mateo 15:11

Aliwan say onloob no ag say ompaway ed sangiy too so mandotak ed sikato.”

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Mateo 4:7

Inmebat si Jesus, “Ibabaga met na Masanton Sulat: ‘Ag mo tutuksoen so Katawan a Dios mo.’”

Marcos 7:20

Impatombuk to ni, “Say mandotak ed too say ompaway a manlapud sikato.

Lucas 4:12

Balet inkuanen Jesus, “Ibabaga met na Masanton Sulat, ‘Ag mo tutuksoen so Katawan a Dios mo!’”

Lucas 4:4

Inmebat si Jesus, “Ibabagay Masanton Sulat, ‘Aliwa labat a tinapay so pambilay na too!’”

Lucas 4:8

Inmebat si Jesus, “Ibabagay Masanton Sulat, ‘Igalang moy Katawan a Dios mo, tan sikato labat so panlingkuran mo!’”

Juan 15:26

“Say Mananulong, a salanti say Ispiritu na katwaan, onsabin manlapud Ama. Ibakik ed sikayon manlapud Ama, tan sikatoy mantasin nipaakar ed siak.

Juan 6:63

Say Ispiritu so mangiiter na bilay; ag ya nagawaay too. Ispiritu tan bilay iray sinalitak ed sikayo.

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

TAGA-EFESO 6:17

Isolung yon pinagkahilmit yo so kilalaban, tan ala yoy salitay Dios a sikatoy ispadan iiter na Ispiritu.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.