Mateo 4:15 - Maung A Balita Biblia

¹⁵ “Dalin na Zabulon, dalin na Neftali, a mamaarap ed dayat, diad nibaliw na Jordan, Galilea a kawalaan da ray Hintil!

Maung a Balita Biblia

¹⁵ Dalin na Zabulon, dalin na Neftali, a mamaarap ed dayat, diad nibaliw na Jordan, Galilea a kawalaan da ray Hintil!

Mateo 4:15 Iomraidhean Croise

1 Saray Arari 9:11

Si Ari Hiram na Tiro so angiter ed sikato na amin a kiew a sidro tan saleng tan amin a balituk a kinaukolan tod sayan kimey. Nen asumpal la ran nipaalagey, initdan nen Ari Solomon si Hiram na duamplon baley a walad sakop na dalin na Galilea.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

Isaias 9:1

Anggapoy pakapaliis dad sayan panaon na gunigon. Aminsan naplag ed kababaingan so dalin na saray tribu di Zabulon tan Neftali; balet diad arapen a panaon nitanduro yan lugar, manlapud Mediteraneo a mampabokig ya anggad dalin ed nibaliw na Jordan, tan nasakop to ya anggad Galilea a panaayaman na saray sangkaili.

Mateo 4:13

Balet aliwa lan diad Nazaret so nanayaman to, no ag ingen diad Capernaum. Sayan baley walad gilig na Dayat na Galilea, diad sakop na Zabulon tan Neftali.

Mateo 4:14

Agawa ya pian nasumpal so imbaga nen propita Isaias:

Mateo 4:25

Tinombuk na amayamay a totoon nanlapud Galilea, Decapolis, Jerusalem, Judea, tan saray nanlapud biek na Ilog na Jordan.

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Josue 20:7

Kanyan diad sagur na Jordan imbiig day Kedes na Galilea, diad kapokdulan a dalin na Neftali; Sikem, diad kapokdulan a dalin na Efraim; tan Hebron, diad kapokdulan a dalin na Juda.

Josue 21:32

Manlapud dalin na Neftali naawat da so taloran siudad: Kedes na Galilea, a pati saray dalin a panagpastolan to (sakey ed saray siudad a salimbengan), Hamot-dor, tan Cartan a pati saray dalin a panagpastolan da.