Mateo 4:10 - Maung A Balita Biblia

¹⁰ Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Maung a Balita Biblia

¹⁰ Inkuanen Jesus, Ekal ka dia, Satanas! Ta ibabagay Masanton Sulat: Igalang moy Katawan a Dios mo, tan sikato labat so panlingkuran mo!

Mateo 4:10 Iomraidhean Croise

1 Saray Awaran 21:1

Nilabay nen Satanas ya itday gunigon iray totood Israel, kanyan tinangguyor toy David ya alaen toy bilang da.

Say Libro nen Job 1:12

Inkuan na Katawan ed kinen Satanas, “Sigi sirin, ipalimak ed sikay amin a walad sikato, balet ag mo didiwiten si Job.” Kanyan tinmaynan lad arap na Katawan si Satanas.

Say Libro nen Job 1:6

Nen sinmabiy agew ya onarap ed Katawan iray anghil na Dios wadman met si Satanas.

Say Libro nen Job 2:1

Nen sinmabiy agew ya onarap lamet ed Katawan iray anghil na Dios tan wadman met si Satanas.

Saray Salmo 109:6

Mamili ka pay sakey a toon manintinsiad kalaban ko, tan ipaakusam pad sakey ed saray dilin kalaban to.

Exodo 23:25

No igalang yo ak a Katawan a Dios yo, bindisionan ta kayo na kanen tan inomen tan ekalen ko ray sakisakit yo.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Mateo 16:23

Balet inarap nen Jesus tan inkuanto, “Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!”

Marcos 1:13

Nanayam diman ya apataploy agew tan legan tod man, tinutukso nen Satanas. Wala met irad may ayayep ya atap, balet nanlilingkur iray anghil ed sikato.

Lucas 10:18

Inmebat si Jesus, “Anengneng koy Satanas a naplag a singa kirmat a nanlapud tawen!

Lucas 11:18

No ontan sirin, no naapag-apag tan manlalaban iray ooleyan nen Satanas, panon a mansiansiay nanarian to ey? Ibabaga yo a si Beelzebul so mangiiter ed siak na pakayarin mamaekal ed saray dimonyo.

Lucas 13:16

Natan, sayan bii ya anak nen Abraham, labinwaloy taon lan papairapen nen Satanas. Ag kasi manepeg a paabigen ko no Agew na Panagpainawa?”

Lucas 22:3

Linmoob si Satanas ed puso nen Judas a tatawagey Iscariote, sakey ed saray labinduan disipulo.

Lucas 22:31

“Simon, Simon, dengel ka! Naabuloyan si Satanas a manubok ed sikayon amin, a singa say dumaralus a pambiigan toy ilik tan apa.

Lucas 4:8

Inmebat si Jesus, “Ibabagay Masanton Sulat, ‘Igalang moy Katawan a Dios mo, tan sikato labat so panlingkuran mo!’”

Juan 13:27

Kapangawat nen Judas na tinapay linmoob si Satanas ed sikato. Inkuanen Jesus ed sikato, “Gawam lan tampol so labay mon gawaen!”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

1 CORINTO 5:5

ipalima yo tan a too ed Satanas pian naderal so laman to, et nayarin nilaban so ispiritu to no Agew na Katawan.

1 CORINTO 7:5

Ag kayo mansisibletay liket na laman, likud labat no mampaknaan kayon ag manakdul a magano, pian niiter yoy panaon yo ed pampikasi. Balet pawil kayon manakdul lamet, pian nipaliis kayod pananukso nen Satanas, lapud ag yo pakatepel.

2 CORINTO 11:14

Ag ya pankelawan, ta anggan si Satanas nayarian toy magmaliw a singa anghil na liwawa!

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

2 CORINTO 2:11

pian ag itayo taloen nen Satanas; ta amta ti la ray getma to.

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.

Santiago 4:7

Kanyan paoleyan kid Dios. Sumpa yoy Diablo et ibatikan to kayo.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

1 Pedro 5:9

Pabiskeg yoy pananisia yo, tan sumpa yoy Diablo, ta kabkabat yon ag yo bukbukor so mantetepel na kairapan, no ag ingen pati saray amin a kapara yon mananisia a walad intiron mundo.

1 Samuel 7:3

Inkuanen Samuel ed saray totood Israel, “No impapusoy ipawil yod Katawan, nakaukolan ya ibantak yo la ray diriyos na saray arum a bansa tan saray talintao nen diosan Astarot. Isaklang yod Katawan so sikayon dili tan sikato labat so panlingkuran yo, et ekalen to kayo ed pakayari na saray Filisteo.”