Mateo 28:9 - Maung A Balita Biblia

⁹ Kabebekta inabet nen Jesus ira tan inkuanto, “Say kareenan komuy walad sikayo!” Sinmingger irad sikato, inegnaan da ray sali to tan inggalang da.

Maung a Balita Biblia

⁹ Kabebekta inabet nen Jesus ira tan inkuanto, Say kareenan komuy walad sikayo! Sinmingger irad sikato, inegnaan da ray sali to tan inggalang da.

Mateo 28:9 Iomraidhean Croise

Isaias 64:5

Maliket kan mangaawat ed saray maseet a manggagaway inkatonung, saray makanununot a mangonur na linawam. Nampasnuk kad sikami, balet intuloy miy nankasalanan; anggaman a mapalaloy pasnuk mo, intuloy miy nanggaway kaogsan nanlapud saman a panaon.

Mateo 14:33

Inggalang na saramay walad baloto si Jesus tan kuanda, “Tua a sikay Anak na Dios!”

Mateo 23:7

Labalabay day paigalang ed publiko tan patawag na ‘Maistro.’

Mateo 28:10

Inkuanen Jesus ed sikara, “Ag kayo natatakot. Laka yo tan ibaga yod saray agagik ya onla rad Galilea, tan diman da ak nanengneng.”

Mateo 28:17

Nen anengneng day Jesus inggalang da, anggaman a wala ni ray manduaruwad sikara.

Mateo 28:8

Maganat ira sirin a linma la tan batik iran mangibagad saray disipulo to. Makaliliket ira, balet nantaruk na takot so liket da.

Lucas 1:28

Kasabi to may anghil ed kinen Maria inkuanto, “Manggayaga ka, ta pinalaboan kay Dios! Say Katawan walad sika!”

Lucas 24:52

Inggalang da tan pinmawil iran magaygayaga ed Jerusalem.

Lucas 7:38

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

Juan 12:3

Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Juan 20:19

Diad labi to man ya agew na Simba, nantitipon iray disipulo. Akatalak iray puirtay abung a nantitiponan da, lapud takot dad saray Judio. Sinmabiy Jesus tan nanalagey ed pegley da. Inkuantod sikara, “Say kareenan komun so walad sikayo!”

Juan 20:28

Inkuanen Tomas ed sikato, “Katawan ko tan Dios ko!”

2 CORINTO 13:11

Salaya, agagi, tan mampatanir ak la. Panseetan yoy pagmaliw yon ayadyari, onur yo ray bangat ko, mankakasakey kayod kanunotan, tan mambilay kayon mareen. Diad ontan, say Dios na aro tan kareenan so niwalad sikayo.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.