Mateo 27:6 - Maung A Balita Biblia

⁶ Dinokdok na saramay manonan papari may kuarta tan inkuanda, “Bayar yay dala na sakey a too! Onung ed Ganggan, ag nayarin ikargad pananginay kuarta ed Timplo.”

Maung a Balita Biblia

⁶ Dinokdok na saramay manonan papari may kuarta tan inkuanda, Bayar yay dala na sakey a too! Onung ed Ganggan, ag nayarin ikargad pananginay kuarta ed Timplo.

Mateo 27:6 Iomraidhean Croise

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Mateo 23:24

Bubulag a manangiwanwan! Sasapiten yoy apangat ed iinomen yo, balet aakmunen yoy kamilyo!

Mateo 27:5

Imbantak nen Judas imay kuartan pilak ed loob na Timplo. Linma la, insan imbitay toy laman to.

Mateo 27:7

Kasumpal dan nampapaknaan, insaliw da may kuarta na dalin da ray managgaway banga, tan ginawa ran panangipomponan na bangkay da ray sangkaili.

Marcos 7:11

Balet ibabangat yo a no ikuay sakey a too ed ama to odino ina to, ‘Antokaman a nayarian kon itulong ed sikayo so Korban’ (kabaliksan to yay innunot ed Dios),

Juan 18:28

Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Deuteronomio 23:18

Ontan met, say kuartan nalmoan ed onyan marotak a kagagawa et ag nayarin iyakar ya ibagat ed Timplo na Katawan a Dios yo diad panumpal na sakey a sinambaan a sipan. Sebel so onya, lapud kabosul na Katawan iray marotak a babayaran a totoo ed Timplo.