Mateo 27:41 - Maung A Balita Biblia

⁴¹ Ontan met, niludlurey na saray manonan papari, saray iskriba, tan saray mamatakken na baley. Inkuanda,

Maung a Balita Biblia

⁴¹ Ontan met, niludlurey na saray manonan papari, saray iskriba, tan saray mamatakken na baley. Inkuanda,

Mateo 27:41 Iomraidhean Croise

Say Libro nen Job 13:9

No sukayan to kayo wala kasiy narumog ton kamaungan? Abaloan yon napalikdo yoy Dios a singa pamapalikdo yod saray totoo?

Saray Salmo 35:26

Saray elek-elekan day paniirap ko et sigput ira komun a natalo tan nagewgew; saray mambalegbalegan nen say siak et napaabeba ra tan napelag ira komun ed kababaingan.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Mateo 27:40

Inkuanda, “Aha, aliwa tan sika may maneral na Timplo, insan mo ipaalagey ed loob na taloy agew? Ilaban moy laman mon dili, no tuan sikay Anak na Dios! Epas kad tan ed krus!”

Mateo 27:42

“Inlaban to ray arum, balet ag to nilaban so laman ton dili! Ha! Aliwa tan sikatoy Ari na Israel? Onepas pa natan ed krus, et panisiaan mi la!

Lucas 18:32

Niawat ed saray Hintil tan ludlureyen, pagpaogesen, tan luklukdaan da.

Lucas 22:52

Insan inkuanen Jesus ed saramay manonan papari, saramay opisyal da ray guardiad Timplo, tan saramay mamatakken na baley a linmad man a mangerel ed sikato, “Akin et sankaawit yo ray ispada tan pekpek? Tulisan ak sirin?

Lucas 23:35

Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, “Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!”