Mateo 27:40 - Maung A Balita Biblia

⁴⁰ Inkuanda, “Aha, aliwa tan sika may maneral na Timplo, insan mo ipaalagey ed loob na taloy agew? Ilaban moy laman mon dili, no tuan sikay Anak na Dios! Epas kad tan ed krus!”

Maung a Balita Biblia

⁴⁰ Inkuanda, Aha, aliwa tan sika may maneral na Timplo, insan mo ipaalagey ed loob na taloy agew? Ilaban moy laman mon dili, no tuan sikay Anak na Dios! Epas kad tan ed krus!

Mateo 27:40 Iomraidhean Croise

Mateo 16:4

Maoges tan aliwan matoor ed Dios iray totood sayan panaon! Labay yoy makanengneng na milagro, anto? Anggapoy nanengneng yo no ag say milagro nen Jonas!” Tinaynan nen Jesus ira tan inmarawi.

Mateo 26:61

tan inkuanda, “Inkuanto yan too, ‘Sarag kon gebaen so Timplo na Dios, insan ko ipaalagey ed loob na taloy agew.’”

Mateo 27:41

Ontan met, niludlurey na saray manonan papari, saray iskriba, tan saray mamatakken na baley. Inkuanda,

Mateo 27:42

“Inlaban to ray arum, balet ag to nilaban so laman ton dili! Ha! Aliwa tan sikatoy Ari na Israel? Onepas pa natan ed krus, et panisiaan mi la!

Mateo 27:54

Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, “Tuan sikatoy Anak na Dios!”

Mateo 4:3

Nitan met lay mananukso tan inkuanto, “No sikan talagay Anak na Dios, iganggan mod sarayan bato a magmaliw iran tinapay.”

Mateo 4:6

tan inkuanto, “No sikan talagay Anak na Dios, tabuy ka! Ta ibabagay Masanton Sulat: ‘Iganggan na Dios iray anghil ton mangasikasod sika; ampayaen da kad lima ra, pian diad bato anggan saray salim ag mo ra nitopa.’”

Lucas 16:31

Balet kuanen Abraham, ‘No ag da dengelen si Moises tan saray propita, ag da met panisiaan so anggan toon naolid bilay.’”

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.