Mateo 27:29 - Maung A Balita Biblia

²⁹ Nanliken iray sanga-sangan masabit tan ginawa ran singa korona, insan da inyan ed olo to. Impabemben dad kawanan a lima toy sakey a bislak. Nantatalimukor irad arap to tan niludlurey da. Inkuanda, “Andokey komun so bilay na Ari da ray Judio!”

Maung a Balita Biblia

²⁹ Nanliken iray sanga-sangan masabit tan ginawa ran singa korona, insan da inyan ed olo to. Impabemben dad kawanan a lima toy sakey a bislak. Nantatalimukor irad arap to tan niludlurey da. Inkuanda, Andokey komun so bilay na Ari da ray Judio!

Mateo 27:29 Iomraidhean Croise

Saray Salmo 69:7

Lapud sika alemlemew ak tan mapalaloy inkabaingan ko.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Jeremias 20:7

Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.

Mateo 20:19

insan da ipalima ed saray Hintil. Ludlureyen da, lewet-leweten da, insan da ipasak ed krus. Balet onolid bilay diad kumatlon agew.”

Mateo 26:49

Kasabi nen Judas, dinago ton tampol si Jesus tan inkuanto, “Say kareenay walad sika komun, Maistro,” insan to inanguban.

Mateo 27:37

Insulat dad olowan to may impakasalanan dad sikato: “Sikato yay Jesus ya Ari da ray Judio.”

Marcos 15:17

Sinolungan day Jesus na granatin kawes, nanliken iray sangasangan masabit tan ginawa ran singa korona, insan da inyan ed olo to.

Marcos 15:18

Inggagalang dad satan a kuanda, “Andokey komun so bilay na Ari da ray Judio!”