Mateo 27:25 - Maung A Balita Biblia

²⁵ Inmebat iray totoo, “Sikami tan saray anak mi so onebat ed ipatey to!”

Maung a Balita Biblia

²⁵ Inmebat iray totoo, Sikami tan saray anak mi so onebat ed ipatey to!

Mateo 27:25 Iomraidhean Croise

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Saray Bilang 35:33

No pambayaren yo, dotakan yoy dalin a panayaaman yo. Ta say pamatey na too et dotakan toy dalin, tan likud ed pamatey ed toon amatey anggapoy sirimonya a nayarin gawaen a makapanlinis ed dalin ya impamateyan ed sakey a too.

Saray Gawgawa 18:6

Nen ginapoan dan sumlangen tan paogesen, impagpag toy dabuk a walad kawes to tan inkuanto, “No ag kayo nilaban, sikayo lay natetel, aliwan siak! Manlapud natan, saray Hintil so laen ko a pulongan.”

Saray Gawgawa 5:28

Inkuanto, “Mapeget mi kayon ingganggan ya ag kayo la mambabangat ed ngaran na sayan too, balet nengneng yoy ginawa yo! Inkayat yod intiron Jerusalem so bangat yo, tan ipapakasalanan yod sikami so impatey to.”

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Deuteronomio 19:10

Gawa yoy onya pian ag ompatey iray anggapoy kasalanan. Diad ontan ag kayo mankasalanan ta ag yo ra pateyen ed dalin ya iiter ed sikayo na Katawan.

Deuteronomio 19:13

Ag yo kakasian. Paandipat yo yan managpatey na too, pian maung lawas so kipapasen yo.

Josue 2:19

No walad sikayoy ompaway ed abung, kasalanan to lan diliy ipatey to, et ag kami la natetel; balet no walay toon napasakitan ed dalem na abung; sikamid satay natetel.